رد: اختي في الله على علاقة مع شااااب ....!!!
أخوي العزيز
طولت معك بالنقاش
لكن بوضح لك أكثر وش المقصد من كلامي
كوني عندي إضافات بالمسنجر الآن هذا شي عادي جدا بالنسبة لي لأني باختصار ماتفرق معي
ممكن في بنات ينخاف عليهم حسب البيئة اللي كبروا فيها
و كنت أيام المراهقة عندي صداقات كثيرة مسنجرية ((هذي اللي كانو أهلي يرفضوها))
أما الآن كوني أتعامل مع ناس كثار مسنجريا أحس أني استفدت من طيش المراهقة و تعلمت كيف اتعامل مع الجنس الآخر بالنت
أما من الناحية الدينية شي أكيد مايجوز للبنت تضيف شباب بالمسنجر (تتميلح) وتحاكيهم
ممكن أكون مع كثرة تعاملي مع الأصدقاء الانترنتيين ما عدت أخاف منهم و تكونت لي مناعة ضد الانجراف لهم
رأيي باختصار لامانع من التعامل مع الشباب انترنتيا لكن تحت مراقبة الأهل حتى تكون البنت أكثر فهم للعالم (المتوحش) حولها وتقدر تتصرف ..
وطبعا الكلام هذا يختلف ولا ينطبق على كل الناس بإختلاف البيئة و المحيط اللي كبرت فيه البنت ..
دمت بود أخي الكريم و آسفة جدا للإطالة ..
تقبل فائق احترامي ..
|