--------------------------------------------------------------------------------

ماكان ودي بالزعل بس خليت
قلبي يبيعك لو تمكنت فيني



صبرت لجلك وانت طولت ماجيت
خلاص روحي ابعدي واتركيني



حبك رميتة تحت الاقدام واقفيت
عند المكان اللي اجيك وتجيني



لاعاد تسأل لية انا ابعدت وابطيت
ماعاد ودي فالهوى والحنيني


كتبت اول بيت بجدارهم ليت
مرت وقالت ياعذاب السنيني



محسن اقفى ليتني معة مخطيت
وش بس اسوي ليت ربي يعيني



مريت بعد اللي كتبتة على البيت
لقيتها بجدارهم تحتريني



ناظرت ثم قالت محسن وصديت
قالت علامك قلت وش تطلبيني



قالت احبك قلت من يوم زليت
ماني مصدق لو حلفتي يمينيي





ياما على جرحي حبيبي تسليت
وينك وويني بس وينك وويني



في حبنا ياما علية تماديت
غيري تبي تلقى من المسلميني



مليت روحي ابعدي منك مليت
طفشتني حسبي على الظالميني



اقفيت عنها وليتني صدق ماقفيت
ماتت وهي بجدارهم تحتريني



عزيت اهلها جيت معهم وصليت
دفنتها والدمع في وسط عيني



دامك على شاني حبيبي توفيت
مسامحك وانتي بعد سامحيني