لا لا لا
مش حصدء عيني <<< ارركد
ماشالله عليتس
اثرتس تعرفين ترسمين
و الله انتس منتيب بصيطه
رسمتس وش زينه , اشهد انتس فنانه و اللي علمتس ووقف معتس
اكيد ماخاب ظنه فيتس من ذا الأبداع اللي فيتس
مااقول الا ماشالله تبارك الله مابي احسدتس انتي وخشتس
على طاري الخشش
ذاك اليوم قاعد اتمشى بسوق ....... << ممنوع الدعايه بدون دراهم
ولقيت ذاك الفلبيني اللي مرتز عند لوحه وواحدن سبهه جالس قباله
وانا اللقافه فيني منذو صغر سني << عاش معبر
واشوف ذا الفلبيني جالسين يرسم خشة ذاك
فقلت بس خل ارسم خشتي
ورحت قلت لأبو فلب بكم الله يسلمك ترسمني
طبعاً بدون الوان لأن كمرته بدون الوان <<< كاميرا في عينك
يعني الرسم ابيض وبقلم رصاص طبعا موب قلامتنا اكيد انتي ادرى
الموهم قالي : انتا ايش يبغى مقاس لوحه
قلت له : ورني المقاسات << بتشتري صراويل الله يسلمك
ووراني ثلاث مقاسات وجازتلي اللي حجمها وسط
وقلت : صديق انا يبغى هذا مقاس
وقال لي : هذا مقاس فلوس 250 ريال
وانا اللي افق خشتي مدري وش السالفه
وقلت : مشكور صديق
<<<< طيب وش دخلنى بسالفتك
الزبدهـ
انصحتس ترسمين خشش و تتكسبين من وراها
وسويلي خصم الله لا يهينتس
آآسف على كثر الهرج والدندرهـ
يالله فامان الله