حاضر ٍ لكن حضوري أرتحال=لاوقفت أمشي وانا مشيي وقوف
أن رحلت الشوق ناداني تعال=وأن رجعت أنتابني حزن ٍ وخوف
ما طلبت العمر عذبات الليال=ولا سألت الليل في عيني يروف
الليالي وش حلاها بلا وصال=من تغنى به قصيدي والحروف
والله ان الليل من دونه محال =مظلم والبدر يغشاه الكسوف
تايه ٍ بين الاجابه والسؤال=والعيون وسلة أرهاف السيوف
ضيعتني ولا بقا عندي مجال=غير طقطقة الاصابع والكفوف
وأنت ياللي تملك حروف الخيال=في مدينة شاعر ٍ قلبه شغوف
للقاء ياسيد ترفات الجمال=ياعنود الريم ياعذب الوصوف
لايطول البعد ومنادي تعال=أنتثر دمعه على خده ذروف
أن رحمته يرحمك ربي تعال=وأن هجرته ماعلى الدنيا حسوف
وان عطيته من عبد هجر أتصال=منيته والله هذي يالهنوف
والليالي وش حلاها بلا وصال=من تغني به قصدي والحروف