بيانات اضافيه [ + ]

رقم العضوية : 72  تاريخ التسجيل :  Feb 2006  العمر : 39  أخر زيارة : 06-26-2009 (04:18 PM)  المشاركات : 229 [ + ]  التقييم :  10

لوني المفضل : Cadetblue

السلام عليكم وصبحكم الله بالخير يا اصدقاي
اليوم الجزء الثاني لقصة نوف وطلال اتمنى تلقى صدى طيب
اليكم الجزء؟؟؟؟
شوي الا ولد اختها يبكي ويصااااااارخ ويتعلق فيها ويسحب التليفون من ايدها ويرميه وترجع تاخذ الجوال وتكلم طلال ويسئلها وش فيه ؟؟؟
نوف: والله مادري بس يصيح مادري عنه اف طفشت منه
طلال:يمكن يبي ينام؟؟
نوف:والله مادري بروح اشوف امه واسئلها برب
طلال:طيب انطر اتصال منك
نوف:باي
طلال:باي
راحت نوف لاختها وصحتها من النوم وقالت :قومي شوفي ولدك مادري شفيه طلع روحي كله يصيح قومي شوفيه.
اختها:أي نوميه يبي ينام.
نوف: طيب شلون ينام؟؟
اختها: هزيه شوي وينام
نوف: طيب.اف
راحت نوف تنوم ولد اختها وطول حييييل لحد ما نام وهي تحاول تنومه ونامت هي جمبه غطت يعني خذه غفوه شوي الا وشي يظربها من عند ايدها ويسحبها لما فتحت عيونها لقته ولد اختها لما الحين مانام دقت على طلال وقالت له انها ماتقدر تكلمه لان الولد تعبان ومو قادر ينام وقفلت الخط ,,,
نامت هي مع ولد اختها الصغير من التعب الي فيهم ناموا على الارض ليله كامله ماصحوا الا ثاني يوم الساعه 4العصر ,,,,,هذا اخر يوم في رمضان السنه هذي سهرت احلى سهره على النت وما نامت الى قبل صلاة العيد بربع ساعه ولما جو يصحونها للصلاة العيد حست بثقل وماقدرت تصحى قالت روحوا مابي اروح الصلاة وراحوا اهلها الصلاة ورجعوا ولقوها صاحيه ومجهزه الفطور لهم عايدت نوف اهلها وافطرت وكلمت صاحباتها وعايدتهم الاطلال ماكلمته وصار الضهر ونوف مدروخه حدها راحت وحطت راسها ونامت وصحت المغرب لما جت اختها تصحيها يلا نوف قومي بسرعه نبي نطلع نتمشى ونعيد الناس الي بالشارع نوف طيب طيب انطري شوي بس خمس دقايق اختها يلا بسرعه نوف ايه شنو صار يعني اول مره تطلعين على شنو مستعجله ؟؟؟
فعلا قامت نوف بعد جهد جهيد ولما قامت وغسلت وصلت الصلاوات الي طافوها وهي نايمه ولبسه وجهزت وحطت المكياج وكوت عبايتها وطرحتها ولثامها وخلصت الا جاهم ضيوف قالوا ننطر شوي ونطلع ونخلي الضيوف عندهم امي
استغلتها فرصه وراحت كلمت طلال وعايدت عليه وكان احلى عيد مر عليها كله طلعات ومشاوير ووناسه على كيف كيفكم , طلعوا اول يوم لقصر الحكم وحظروا الفعاليات الي هناك وانبسطوا الساعه 9 وربع بدت الالعاب النارية وكان زحمة شباب وناس وكانت نوف هي وثنين من خواتها واخوها فواز طالعين واقفين عن سيارتهم يتفرجون على الالعاب النارية وكل وحده منهم ماسكه جوالها وتصور الشباب الي يمرون يشخصون ويبتسمون على بالهم انهم يصورونهم والبنات مب يمهم الساعه 9 و32 دقيقه خلص الاستعراض الناري ركبوا سياراتهم ركبت نوف مع عمها عبدالعزيز او عزوزي مثل ماكانت تناديه نوف (عزوزي حبيبي). استغرب منها وشافها acteve اكثر من كل مره قالها
عزوزي:وش فيك نوف؟؟
نوف:خير حبيبي وش فيني؟؟
عزوزي:مادري اشوفك مبسوطه اليوم.
نوف:بداخلها(اخ ياعمي لو تدري وش فيني بس اخ) لا عادي اليوم عيد والكل لازم ينبسط والا تبيني اكون مكشره؟؟
عبدالعزيز:لا شدعوه نوف تكشر بس مستغرب يعني تعبانه وفيك نوم وحالتك حاله ومعفوسه ومتهاوشه الف مره اليوم مع فواز وفوق هذا مبسوطه شي مب عادي حتى انتي دايم لاركبتي معي السياره على طول قبل ماتسلمين تقولين(يلا عزوزي افتح افتح على الـMBC FM ) اليوم ماقلتيها؟
نوف:والله تبي الصراحه؟
عبدالعزيز:ايه
نوف:مادري لي كم يوم وانا احس اني مبسوووووطه وابي اطير من الفرحه احسني مرتاحه ليه مادري(في بالها تقول كله من تاثير طلال علي ياعزوزي بلاك ماتدري).
عبدالعزيز:وايش السر
نوف:مادري مافي سر
عبدالعزيز:طيب بصدقك واسوي نفسي مصدق
نوف:طيب طيب اوكي انتبه للطريق وخلنا نرجع البيت شوفهم راحوا سبقونا
عبدالعزيز:خليهم حنا مابنرجع البيت
نوف: اجل وين بنروح؟؟
عبدالعزيز:بنطلع نتعشاء عازمك على العشاء.
نوف:صدق؟وناسه يلا
عبدالعزيز:اختاري وين بتتعشين؟
نوف:مادري أي مكان بس بشرط يكون زحمه
عبدالعزيز:ليه زحمه؟؟ اعرف البنات مايحبون الاماكن الزحمه.
نوف: يووووه انت قديم ابي مكان زحمه عشان نتفرج على الناس ونقز هذاك بنات اول الي مايحبون الاماكن الزحمه
عبدالعزيز:ههههههههه مادري شلون انتي بتربين عيالك وبناتك الله يستر عليهم
نوف:خلهم يجون اول وبعدين تشوف شلون اربيهم
عبدالعزيز:عيب استحي وش هالكلام
نوف:خلاص سوري طوف لاتدقق عاد انت
عبدالعويز: يلا بنروح مطعم روستر الي بالعلياء شرايك؟؟
نوف :اوكيك ياحلو
راحوا المطعم وتعشوا وانبسطوا ولما خلصوا ردوا البيت وكملوا سهرتهم مع اهلها بالبيت على فيلم اجنبي هي راحت نامت .وثاني يوم لما صحت الساعه 3العصر صحت ومالقت احد في البيت الا2 من خواتها والخدامات سئلتهم وين باقي الشعب؟؟
قالوا معزومين على الغداء قالت فكه نرتاح شوي من الازعاج يلا نطلب ترا جوعااانه قالوا اوكي طلبوا من المطعم غداء وتغدوا الساعه 4ونص رجعوا اهلها من برا قالها عبدالعزيز:نوف انتي والبنات الي بتروح معانا الفانتزي لاند تتزهب الساعه 6 بنروح قالت:اوكيك. وراحت قالت لباقي خواتها ووافقوا راحت هي لغرفتها تكلم طلال.
نوف:الو قوه
طلال:هلا والله
نوف:شخبارك؟؟
طلال:الحمدالله بخير وانتي شلونك؟؟
نوف:تماااام الحمدلله
طلال:الحمدلله ها شخبارك اليوم وين رحتي امس؟؟
(وقالت نوف لطلال كل شي صار معاها حتى هو قالها وجلسوا تقريبا نص ساعه شوي الا باب غرفت نوف يدق )
نوف:طلال انطر شوي الباب يطق بشوف مين
طلال:طييييب
نوف:ميييييييييين؟
فواز:افتحي انا فواز
نوف:شتبغى؟؟؟
فواز:يلا بسرعه تعالي بنطلع الشارع وشغل صواريخ وطرطعانات
نوف:صدق(كانت مره مبسوطه)اوكيك فواز الحين اجي
نوف:الو طلال معاي والا رحت؟
طلال:لامعاك ها مين الي جاك؟؟
نوف:فواز
طلال:وايش يبغى؟؟
نوف:لا مابي اقولك اخاف تضحك علي
طلال:ليه اضحك عليك؟؟
نوف:لا اخاف تضحك علي
طلال:قولي والله عادي ماراح اضحك عليك
نوف:بروح اطلع معاهم الشارع
طلالباستغراب)الشارع؟؟
نوف:ايه لاتضحك
طلال:ههههههه وليه بالشارع وش عندكم؟؟
نوف:بنشغل صواريخ
طلال:ليه شمعنى بالشارع؟
نوف:حنا من كنا صغار وحنا نسوي كذا لازم نطلع بالشارع ونلعب
طلال:وتطلعين كذا بالشارع؟؟
نوف:لا نتلثم بطرحه انا والبنات وعند باب البيت نشغلهم ونرميهم على بعض
طلال:هههههههههههه حلو والله اجل وناسه
نوف:ايه
شوي الايطقون الباب عيال عبدالعزيز يلا نوف بسرعه بنروح
نوف:طيييييييييب الحين جايه طلال؟؟معلش بقفل الحين ينطروني
طلال:طيب روحي العبي وانبسطي
نوف:اوكي باي
طلال:باي
طلعت نوف ولعبت معاهم بالشارع شوي الا عبدالعزيز عمها يناديهم يلا خلصوا بنروح الفانتزي لاند .كلهم بصوت واحد(وااااو يلا الحين نجي).
ثاني يوم طلع طلال البر مع اصدقائه وغاب ثلاث ايام وبعد مارجع ارسل مسج يقول فيه
******************:....
جيت من المقناص وخاطري شوق
اكتب قصيدة عطرها من الخزامى
للي من الدنيا لها القلب مخلوق
يفداه راسي لين ماطى القدامى
قصيدتي غنت بها الصوت مطروق
ببيات شعر فوق روس الخزامى
ابي ....ة الروح والبال مشفوق
اطرب لها مشتاق ابي السلامى
سلام يابنت بالفخر شانها فوق
فوق النجوم وفوق جو الهيامى
الي بعين الشمري كلها ذوق
بنظرة بريه من الشبه والتهامى
اشفق عليها شفقة الطير من فوق
يبي الهدد ونيته ما يظامى
عليك يالي لك الزين منطوق
هذا خفوقي جاك ليوم القيامى
********************
انبسطت نوف مرررره اول ماقرت المسج ودقت عليه وكلمته واخذت اخباره وتطمنت عليه
يا (ــــ) كل القصايد فدوتنللك
واسعد قصيده في سموك نظمته
تفرح يا (ـــ)المعاني ماوفنلك
تحتار في وصفك لامن رسمته
مدام شعري فيك هو مطمعنلك
تستاهلين ديوان شعري ليا نثرته
*******************
تصبحون على خير اخواني وانتظروا الجديد في الجزء القادم من قصة نوف وطلال
اختكم Crazygirl
بايوووووووو