مرت الأيام ونفسية نوف كل مالها تكون زفت اكثر. واستمر اخوها تركي على انه يكره نوف بطلال وصار بين فتره وفتره يجيها ويقول لها كلام على انه طلال قاله لراشد لماقابله بس نوف لما رجع لها الجوال لقتها فرصه تكلم طلال وتفهمه السالفه وتعرف أي شي منه وتبغى تعرف اذا الكلام الي قاله لها تركي وراشد صدق الي قبله وام نوف انجبرت ترجع لنوف جوالها لانها تروح الجامعه لازم يكون معاها جوال عشان يدق عليها السواق اذا وصل الجامعه عشان تطلع . ظلت تدق على طلال وتحاول تكلمه بس ما يرد عليها كل هذا صار و أبوها ما درا عن شي لانه لو عرف بيذبحها حتى خواتها و أخوها الصغير فواز ما قالوا شي لانهم خايفين على نوف مر ثلاث شهور ونوف تحاول تكلم طلال بس ما يرد عليها بتقول له أن هذا ولد عمها أخوها أرسله له بس ما يرد أرسلت له ايميل بكل السالفة بس نفس الشي ظل طلال ما يرد عليها ليلة أخر امتحان في الفصل الدراسي هذا دق رقم غريب على نوف الساعة 1 باليل ما ردت دق مرتين ما ردت أرسل مسج يقول فيه (ممكن تردين) ورجع دق ردت نوف
أول ما فتحت الخط
طلال:الووو
نوف: شهقت طلال..؟؟
طلال: كيفك نوف
نوف: بكت طلال أنت طلال مب مصدقة
طلال:أنا قريت الايميل قريت كل شي ما توقعت أنى أكون حقير بنظرك لها لدرجه وأنا ما كنت اعرف انه ولد عمك و أخوك ترا الي قالوه لك مب صحيح مب هذا الي صار الي صار انه هو دق علي وطلب يقابلني و أنا بعمري ما شفته غير ذاك اليوم يوم جاب لي صورك ولما قالك انه قابلني عند واحد من أصدقائه ترا كذاب ما عرفه ولا اعرف أحد يعرفه
نوف: طلال ظلمتني كثيير أنا تعبت ومرضت من سبتك أهلي تغيرت نظرتهم لي من سبتك عزوز تخيل عزوز تغير علي كله من سبتك كان قلت لهم ما عرفها و إلا تعرف تصرف نفسك من أمك و أنا تخليني أتورط طلال كلمتك لي للحين ترن براسي انا ياطلال اهون عليك وتقولي حقيره؟ ليه وش شفت مني انا توقعت أي احد يصدق أي كلمه عني الا انت حرام عليك ياطلال حرام
طلال: (وهو يبكي) خلاص يا نوف والي يخليك لاتظايقيني كلامك يجرحني. قسم بالله الشهور الثلاث هذي ما دري كيف مرت علي قسم بالله اصعب شهور مرت علي نوف أنا لسه احبك و لا تفكري أنى بيوم أنساك والي خلقك أنى احبك وبحياتي ما حبيت أحد مثل ما حبيتك نوف سامحيني
نوف:تبكي طيب يا طلال روح مسامحتك وربي يسامحك
طلال: لا يا نوف سامحيني كلمت وحده غيرك
نوف: ايش؟؟؟
طلال:وربي يا نوف ما تجي زيك وربي عشان أنساك
نوف: تصلح غلط بغلط
طلال:نوف أيش أسوي وربي أنى أكلمها ولا كني أكلمها وربي ما تعرف عني شي حتى اسمي ما تعرفه
نوف:روح الله يسامحك يا طلال على الي سويته فيني
طلال:نوف أنا لسه احبك
نوف:حتى أنا احبك بس مب مكتوب لنا أنا نكون لبعض
طلال: نوف!!!
نوف: خلاص روح ياطلال انا الي شفته كفايه والي وصلني منك ومن اهلي زياده مابغى الي صار يتكرر مره ثانيه
مع السلامه
قفلت نوف الخط من طلال ودقت على سارا على طول تقريبا الساعه 3الا ربع افجر وهي تبكي
سارا:هلا نوف
نوف: سارا تخيلي ايش صار قبل شوي
سارا: ايش يعني طلال كلمك
نوف:ايه
سارا:!!!!!طلال ماغيره؟
نوف: تبكي ايه يا سارا خلاص انتهى كل شي بينا
سارا:وش صار قولي لي كل شي بالتفصيل
نوف:وش اقولك اكثر من انا انتهينا؟
سارا: كل شي
حكت نوف لسارا كل شي صار
نوف:سارا وش اسوي عندي امتحان اليوم ومافتحته ولا ذاكرت
سارا: ليه؟
نوف: ذاكرت جزء الشهري ونمت الساعه 10 وقلت اصحى الساعه 1 واكمل مذاكرتي واول مافتحت الملزمه دق طلال
وتوني مقفله واحس راسي بينفجر من البكى
سارا: طيب نامي ساعه وانا اصحيك تكملين مراجعه ومذاكره
نوف: اقولك مالي خلق ماقدر
سارا: طيب براحتك يعني ايش بتسوين
نوف: مادري شكلي بطنش
ـــــــــــــــــــــ
|