][كـانِ مِـن نفـسـه يـجـي ][
يا نجوم الليل لا تنووا الرجوع
..................هذا نجمٍ كلكم فيه اجتماع
كلِّ منْ شافه تعدَّاه بْخضوع
..................لا ظهر حتّى البدر يشكي الضياع
من يشوف النورِ في حالة سطوع
................من يشوف الشمسِ فيْ حال ارتفاع
وش أقول اكثرْ وكيف اجمع فروع
...............غِصنِ مثْل الشمس وفْروعه شعاع
زهرةٍ تفخرْ بها كلّ الزروع
................دانةٍ محفوظةٍ وسط القلاع
أو ملاك لابسٍ لحم وْضلوع
................اشتهاله جسمِ مِنْ عظم وْنخاع
نورها ضيّ اتْمناه الشموع
....................وحسنها فيٍ على كل البقاع
وجهها غفوة طفل حزّة ركوع
....................به براءه ثايرة وْفيه اندفاع
عينها تضوي حسن يسبي الخشوع
.................ناعسة طرفٍ مثل شمس الوداع
صوتها عزفٍ على مرأى جموع
...................وصمتها له لذةٍ فوق السماع
لو تبي شيٍ أبدْ ماله شيوع
.................كانِ مِن نفسه يجي بْكل انصياع
عود في عين الحسود اللي تروع
...............رزق ربٍ ما ظلم حتى الضباع
والصلاة على النبي عدِّ الجذوع
...............واذكر الله آخر القول المشاع
مودتي للجميع