السلام عليكم ورحمة الله وبركاته
قالـت : وش احلـى مايقـول المحبيـن ؟
ساعـة لقاهـم بعـد غيـبـه طويـلـه
قلت : اصبري ، قالت : انا اقولك زين ؟
قلـت : اتمـنـى ماتكـونـي بخيـلـه
قالت : عسى موتي على يديـك هالحيـن
إن كـان قيلـت بيـن خــل وخليـلـه
قلـت : انطقيها عاد ياقـرة العيـن
قلبـي يبيهـا صـدق تشـفـي غليـلـه
قامت تفكـر !! قلـت : يالله ، وبعديـن
كـن اصبعـك طـوّل بلـفّ الجديـلـه
قالت : كُليب !! قلت : خير ! شتِقولين
قالت : رجع !! وشـو شعـور الجليلـه
قلت : اليمامه ! ماهي اقوى تحسيـن ؟؟
من يـوم غـاب جبيـر صـارت هبيلـه
وشبـك سكتـي ؟ خايفة ! أوتغلين !
قالـت : اخـاف ان قلـت تطلـع ثقيلـه
أخاف اقول وكلمتـي تجـرح الديـن !!
واشيـل ذنـبٍ مقـدر انــي اشيـلـه
استغفـر الله ويـن وصلتنـا ويــن ؟
وانـت تعرفنـي والأصيـلـه أصيـلـه
ضمت يدينـي .. قلـت: تـوك تحنيـن
قالـت يدينـك بـس ؟ هــذي قليـلـه
يوم احضنتني دمّعت ، قلت : تبكيـن
قالت : اظـن الدمـع (أصـدق وسيلـه)
ردّت ، وقالـت : وش عـذاب المحبـيـن !
قلت : الغيـاب ! في عيونك دلــــــيله ..
d,l hpqkjkd ]l~uj K rgj : jf;dJk jf;dJk
d,l hpqkjkd ]l~uj K rgj : jf;dJk