تسأليني ليه احبك ..؟ واسالك نفس السؤال ليه احبك ..؟ جاوبيني .. يمكن انتي تعرفين ليه انا قلبي تعلق فيك .. يا بنت الحلال ليه وش معنى عشقتك دون كل هالعالمين هل لاني شفت فيك الحسن كله والدلال او لاني شفت فيك الثقل والطبع الرزين او لانك في عيوني صرتي آيه بالجمال او لانك استطعتي .... للمشاعر تملكين او لان الحظ جابك لي بعد ماقفى وحال او لان الله كتب لي اعشقك واحيا السنين علميني ليه احبك ..؟ ليه قلبي معك مال ..؟ ليه دمعاتي تناثر .... كل ما انتي تبعدين ليه دايم في خيالي صورتك في كل حال في فرح والا بتعاسه .. في شقى والا بحنين ليه طيفك في عيوني ما يـبارح هالمجال شاغل(ن) فكري وبالي .... كل لحظه وكل حين ليه كل ماقلت ابنسى صاحت جروحي محال كيف تنسى طب جرحك .. كيف ايامك تزين آآآآآه .. ياكم سؤال(ن) حاير(ن) وسط الخيال وآآآآه .. ياوين الجواب اللي يريحني سنين اسأل اسوار المدينه عنك وانقاض الجبال اسأل رمال الصحاري واسأل الليل الحزين واسأل دموعي الغريقه ليه دمعي منك سال ليه قلبي فيك هايم .. وش هو السر الثمين ليه .. مادري .. بس عشقتك .. عشق لحد الهبال وصرت ماشوف بعيوني .. غير زينك اي زين و تساليني ... ليه احبك وليه ميت على الوصال ليه مدري..... صدقيني ... نفسي ماعندي يقين ودي اعرف ياعيوني وش اجابة هالسوال ليه احبك ...؟ جاوبيني ... يمكن انتي تعرفين

jsHgdkd gdi hpf; >>? ,hshg; kts hgschg!!?? hgschg?? hpf; jsHgdkd ,hshg; kts

jsHgdkd gdi hpf; >>? ,hshg; kts hgschg!!?? hgschg?? ?