مدامك ماتبي وصلي انا وش عـاد يبقينـي
ابحفظ مابقى لي من كرامه وابتعـد بخطـاي
على درب الغيـاب ويـن مـاودي يدوينـي
واذا حرك معاليقي هواك وحدنـي لأقصـاي
دعيت الله يصبرني يطمـن قلبـي وعينـي
وطلبته مثل مامكن غـلاك وثبتـه بحشـاي
يشيله من عروقي قبل نار الوجـد تنهينـي
وربي لو اعرف اني ابثني عزمك ورجـواي
اموت ولاترجيتـك وقلبـك مرخـص فينـي
لو انك قلتها تبغى تشـوف معزتـك جـواي
او انك قلتها ساعة زعل والذنـب كاسينـي
بجيك بكل مافيني مـن اول داخلـي لأتـلاي
واجي لرضاك لو أضر لأجلك باقـي سنينـي
وانا اللي منك عانيته قتل نار العتب بشقـاي
غرام مات في عينك على فرقـاك يغرينـي
حسافه كنت احسب انك تقدر طيبتي ووفـاي
نعم وتقـدر العشـره تجاملنـي وتراعينـي
توقعتك تكون اخلص عشير جابتـه دنيـاي
اشـك بكـل هالدنيـا وتبقـى ماتخليـنـي
طلبت البعد في وقت ابيك تكون بـه يمنـاي
بعد ماجارت ايامي علـي وحـرت بيدينـي
ولايخفاك لوعات الليالـي وضيمهـا ويـاي
وانا ادري ماانت نافعني وجودك بس يكفينـي
على كل حال ماينفع ملامي لك ولا شكـواي
فمـان الله اببعـد للفـراغ اللـي ينادينـيْْ
للامانه منقوول
hl,j ,gh hjv[h; hgkj hjv[h; ,gh
hl,j ,gh hjv[h; hgkj