ما كل رجال ٍ تمد له الفناجيل
.......يتبع دروب الطيب في كل الاحوال

ما ينفعكـ وقت الشقا والغرابيل
............ياليت تسلم من كلامه والاقوال


ومنهو يظن إن المظاهر دواليل
.........به ناس نقص وتلبس شماغ وعقال


والدلة اللي دون نار ومعاميل
.........ماتسقي الخرمان لو ربع فنجال


وبعض الرجال يكيد لكـ بالمحابيل
........يخفي بضحكه لكـ من الحقد زلزال


السن ابيض لكن القلب كالليل
........ماكل من يضحكـ معكـ يسعد الحال


ولولا الحسد والبغض والقال والقيل
...........كان العرب صارت على قلب رجال


هذا كلام الحق من غير تبديل
.......حبيت اقول الصدق والصدق ينقال


اقبل كلامي فيه بعض التفاصيل
........شي مجرب ماخرصته من البال

ولولا المواقف ماعرفت الرجاجيل
.......وكان استوى بالهرج خايب ورجال

/

( معرفه الرجال كنوز ،، ومعرفه الرخوم تعل النفوس .. )

/

اللهم نعوذ بــكـ من ( آلـرخــــآآمـــه ) !؟ <~~!!!

::: lh ;g v[hg S jl] gi hgtkh[dg

::: lh ;g v[hg S jl] gi hgtkh[dg