السلام عليكم ورحمة الله وبركاته

الجزء الثالث....


شذى كانت جالسه بالصاله مع العنود وأمها وأبوها يتقهون...دخل عليهم طلال وجلس معهم...
أم بندر:أقوول أمي شذى...
شذى:لبيه يأحلى أم....
العنود وطلال بنفس الوقت:اكيد ودك تطلعي اليوم....خخخخخخخخخخخخخخخخخ
شى بوزت يعني زعلت:حرام عليكم يعني مااقول لأمي كذا إلا إذا بطلع...
العنود وهي تبي تعصبها:والله يقولون أنك مصلحجيه...
شذى:تقلقلت حنوووك اللي قالوا....أمي شوفي عيالك...
طلال بكل برأه:أنا ماسويت شي...
أبو بندر:خلاص عاد كل شي إلا أخر العنقود وانت يأخ طلال تقول ماتسوي شي وانت تنغزها من تحت لتحت....
شذى قامت من مكانها وجلست بين أمها وأبوها وهي تضم أبوها:أمريني يالغاليه عيالك بس يضيعون السالفه....
أم بندر:مايأمر عليك عدوا يارب..بس كنت بسألك كيفها صديقتك اللي مات أبوها...
شذى:الحمد الله نفسيتها هي واخواتها أحسن الحين...من شوي كلمتها...
العنود:شذى ايش رايك تقولي لها تزورنا هي وأخواتها تغير من جو البيت شوي....
شذى وهي منزله راسها:ماادري ماتوقع تقدر... أول اللي كان يوافق إنها تطلع أبوها لو بشور مرت أبوها كان ماشافت الشارع أبد...
أم بندر:والله حرام ماتخاف هالانسانه من الظلم...
أبو بندر:يأم بندر الناس هالايام الله يكفينا شرهم مايفكرون يحسبون إنهم بيعيشون ويعمرون يظلمون ويسرقون ولا يفكرون إنهم بيتحاسبون بيوم...
طلال وهو مستغرب:ليش مرت أبوها مره قاسيه معها...
العنود ردت قبل شذى:والله معذبتها مخليتها كأنها خدامه عندها...اذكر مره جات عندنا كادي مع أختها رندا وكان وجهها كله أحمر من الضرب....
طلال:معقوله في ناس كذا....طيب وين أخوانها أو عمامها أو حتى خوالها مايشوفون بنت أختهم...
شذى:هي ماعندها أخوان...وعمامها ماتعرف عنهم شي ويمكن حتى مايكون عندها أبوها ماعمره تكلم عن أخوانه وأمها ماتت وعمرها سنه نص ومحد كان يتكلم عن خوالها وإذا هي سألت يقولون لها ماعندك.....خلاص غيروا الموضوع مايصير نسولف بالبنت<<<<بعد ماقالت كل شي عنها ....لووووووووول....

بغرفة عبير كانت تكلم بالتلفون...
عبير:منال والله مااقدر...أخاف أهلي يمسكوني...
منال وهي معصبه:انتي خبله أهلك أيش يعرفهم إنتي بتكلمي وهم نايمين...وبعدين أنتي اللي قلتي أمك مو سائله فيك وخالك حتى مايقول لوحده منكم كيفك بتخافي من مين؟...
عبير:منال بس والله أخاف أول مره أكلم واحد غريب مااقدر....
منال بهدوء:ياحبيبتي حتى اللي بعطيه رقمك أول تجربه له يعني لاتخافي مابيكون جريئ...ايش رايك الحين أعطيه الرقم ولا لاء؟!!...
عبير بتردد:أعطيه بس لا يتصل الحين يتصل الساعه 2 بالليل...
منال:بل بل بل بتسهري الرجال...
عبير وكأن الموضوع جا من الله:خلاص أجل لاتعطيه رقمي...
منال:لاحبي بعطيه الرقم وبيسهر كم عبير عندنا....يلااااا بااااااااااي بعطيه الرقم....وقفلت...
((طحتي ياعبير ومحد سما عليك.. للأسف مافكرتي بالموضوع من كل جهاته ونسيتي إنه حرام))


كادي بعد ما استوعبت اللي قدامها حطت راسها ورا ظهر رندا اللي كانت تدخن من الغضب لأن اللي دخل عليهم أم عبير وناصر أخوها...
هبه وهي حاطه يدينها على خصرها:خير ان شاء الله أطلع برا ايش تسوي بغرفة البنت عيييب والله عيييييييييب....
ناصر اللي ماتحركة فيه شعرا من كلام هبه كان يطالع كادي اللي جالسه ورا رندا وهي مو عارفه ايش تسوي خصوصاً إنها مولابسه شي ساتر كانت لابسه بيجامة نوم بدون أكمام...
أم عبير بصرامة:هبه ورندا أطلعوا من الغرفه...
كادي اللي كانت عيونها تدور بالغرفه ووجها محمر من الفشله كان ودها الارض تنشق وتبلعها ولا تجلس قدام ناصر كذا....يوم سمعت كلام أم عبير تمسكت ببجامة رندا بيدينها الاثنين...
رندا وهي معصبه:خييير إن شاء الله ليش؟....
ناصر اللي مشى لين ماوصل قدام رندا وكادي:ليش؟...اممممممممم....ابتسم بخبث وكمل وهو يطالع كادي....لأنها زوجتي وباخذها معي....
رندا من الصدمه جلست على السرير وماقدرت تتكلم....وهبه حطت يدها على فمها وصارت تطالع كادي....
كادي ماعرفت كيف جات لها القوه إنها توقف قدام ناصر وتقول له وهي كلها ثقه:أنت كذاب...
ناصر ابتسم وطلع لها العقد ومده لها:والعقد بعد كذاب....
كادي مسكت العقد بين يديها وشافت إن تاريخ زواجها كان نفس يوم وفاة أبوها دمعة عينها وصرخت بوجهه:كذاااااااااااااب....وهي تبكي كملت...أبوي مايسوي فيني كذا مستحييييييل.... وجلست على الأرض تبكي....
ناصر اللي ماتحمل إهانتها على قولته مسكها من شعرها وعطاها كف عمرها ماحلمت فيه وقال لها وهو معصب:البسي عباتك وقدامي يالله.....
رندا وهبه اللي ماقدروا يشوفون أختهم تنضرب قدامهم ويسكتون صاروا يضربون خالهم على كتف وصدره واللي تقول له مااحبك واللي تقول أكرهك أترك أختي....أخر شي عصبت رندا وقالت له:ماتطلع أختي من بيت أبوها وانت أطلع برا مانبيك أنت مو خالنا...
ناصر كانت ردت فعله كف على وجهها خلاها تحس إن طبلة أذنها انفجرت من قوته...وسحب كادي اللي كانت تبكي ورما عليها العبايه ونزلها معاه من الدرج وهي تبكي وتتوسله إنه يتركها ماياخذها...

عبير اللي كانت بغرفتها تعد الدقايق للساعه 2 سمعت الأزعاج وطلعت تشوف ايش الموضوع وشافت خالها يسحب كادي اللي ميته من الصياح معه...
عبير وهي مستغربه:ايش في؟!...
هبه مسكت يدينها وهي تترجاها:الله يخليك عبير قولي له ماياخذ كادي والله حرام...وتأشر على خالها اللي نزل مع كادي من الدرج....وجلست تبكي..
عبير بفرح:وين بياخذها دار الايتام...هذا مكانها أصلاً...
هبه انصدمة من رد عبير وعرفت إنه مافي أمل منها راحت تجري ورا خالها اللي مالحقت غير غبار سيارته....
رندا وهي جالسه على أرض حوش بيتهم وتبكي:أخذوا توأمي ياهبه أخذوها...
هبه ضمتها وصارت تبكي:لو هي توأمك بالنسبه لي أنا الأخت والصديقه والأم...
أم عبير من وراهم:أنا بعرف لو مت بتبكون علي مثل ماتبكون الحين على هذي؟!....
رندا اللي كانت معصبه وماتدري ايش تقول:أول شي هذي أسمها كادي...أختي كادي اللي أموت عليها...وثاني شي...وسكتت شوي تطالع أمها وكملت....أتوقع بفرح لو متي...وراحت تجري لغرفتها وهي ميته صياح....
أم عبير اللي صدمها رد رندا...الحين بنتي تتمنى موتي أنا أمها...وهذي كادي تحبها...ليش أنا أمها..مافاقت من صدمتها إلا يوم سمعت صدمتها الثانيه...
هبه وهي واقفه قدام أمها تمسح دموعها:الله لايسامحك يمه...أخذتي أختنا منا وبعدتيها عنا... والله ومن كل قلبي أتمنى إنك تموتي...وصرخت..لأنك ظالمه...وراحت تجري لغرفتها هي بعد وتركت أمها واقفه تستوعب صدماتها اللي كانت ورا بعض...

بالسيارة كان يسود الصمت ومايقطعه غير الشهقات اللي تطلع من كادي....أول ماوصلوا البيت مانزلت كادي نزل ناصر وفتح الباب اللي جالسه جنبه:خير يامدام بتجلسي لمتى بالسيارة...
كادي وهي ميته صياح:الله يخليك رجعني بيت أبوي...
ناصر بحكم طبيعته مكان عنده ابداً أسلوب سحب كادي من شعرها ودخلها البيت وصل لغرفة النوم ورماها على السرير:ماابي أسمعي كلمة رجعني بيت أبوي...أنتي مالك غير هالبيت.. ويطالع فيها بأحتقار ذبحها....وأحمدي ربك في حد شالك وإلا كان تشردتي بالشوارع... وطلع من عندها وطبع الباب وراه بأقوى ماعطاه ربي....
كادي مع صوت الباب تأكدت إنها مو بحلم وإن كل اللي صار حقيقي دفنت راسها بالمخدات وهي تبكي وتقول لنفسها...بداية الغيث قطرة يا كادي والله يعينك...محكوم عليك بالسجن الأبدي مع سجان ظالم..سجان من صغرك تخافي منه وإذا زار أخته ماتطلعي من غرفتك من الخوف... ورجعت كملت صياح ونامت وهي مو حاسه بعمرها ودمعتها كانت على خدها...

ناصر بعد ماطلع من الغرفة جلس بالصاله وفتح التلفزيون وكان كل باله مع كادي...ياربي ايش هالبلوه البنت حلووه...هههه واللي إني مغفل ايش حلوه...الحلا والجمال اللي بالعالم كله مايجي ربع جمالها...اووووف لو هالأخت مو ماسكه علي شي كان بدية حياة عاديه وحبيت كادي وخليتها تحبني مثل أي اثنين متزوجين....قطع عليه أفكاره صوت الجوال وكانت أم عبير تبكي...
ناصر:طيب ايش المطلوب مني...
أم عبير:تعذب كادي...ماابغيها تشوف يوم فرح بحياتها....
ناصر:بس حرام والله اليوم رحمتها وهي....
قاطعته أم عبير بعصبيه:أنا حنيت فوق راسك تتزوجها حتى تقول لي حرام.... تزوجتها وبتعذبها مثل ماابغي...واذا بتكسر كلامي ياناصر المستندات بتكون فمركز الشرطه....بس إذا فكرت مجرد تفكير ماتعذب كادي.......وقفلت الخط بوجهه...

اليوم الثاني رندا ماطلعت من غرفتها وهبه نفس الحاله وكل وحده تفكر بطريقه متخلفه عن الثانيه ويشتركون بإنهم الاثنين محور تفكيرهم كادي....

شذى كانت تفطر ونزل طلال وجلس معها....
شذى وهي تصب عصير لطلال:طلووول فاضي انت اليوم؟!!...
طلال:ليش!!...
شذى:ودي اطلع مليت من البيت؟...
طلال وهو يفكر:سوري حبيبتي اليوم مقدر بيوصل فارس اليوم ولازم استقبله...وكمل وهو يبتسم...بس ماعندي مشكله اطلعك الحين فارس بيوصل بعد صلاة العشاء...
نقزت شذى من مكانها لحظن أخوها وجلست تبوسه<<<<خبله خخخخخخخخ....

كادي ااااه يا كادي.....أول شي قامت من نومها بعد ماصب ناصر فوق راسها كاس مويه... وكل مادخل أو طلع عطاها كف على وجهها وسمعها كلام يجرررررح.....بإختصار هذي كانت حياة كادي...وكل يوم تنام ودمعتها على خدها....

فبيت أبو عبير جالسين على العشاء أم عبير و عبير ولين وليان((من بعد مااخذ ناصر كادي.. هبه ورندا ياكلون بروحهم))...
أم عبير:لين وليان كم مره قلت لكم وقت الأكل ماتتكلمون...
ليان:ماما......
صرخة فيها أم عبير:نـــعـــم....
خافت ليان وسكتت....
أم عبير:ايش فيك تكلمي...
لين:ماما بنسألك فين كادي؟!!...
شرقت أم عبير بالأكل:وجع إن شاء الله هذي ليش تجيبوا سيرتها على الأكل....ما عاد عندكم أخت أسمها كادي خلاص إنسوها واللي تسأل عنها بقص لسانها فاهمين...وقامت من قدام الأكل..
عبير طول الوقت سرحانه تفكر الحبيبه بالأخ اللي صارت تكلمه كل يوم أكثر من مره....

الساعه 2 الفجر بغرفة المكتب فبيت أبو عبير......كانت هبه تفتش بأوراق أبوها وطاحت بيدها أوراق خلتها تفتح فمها من الصدمه...شالت الأوراق وسط ملابسها خافت حد يشوفها وهي طالعه وقفلت أنوار المكتب وراحت جري لغرفة رندا....



طلال وفارس بالسيارة...
فارس:طلال حرام عليك بإسبوع شفت الرياض كلها...
طلال:أحسن تكون عندك خبره بكل شوارع الرياض...
فارس:أحلف أنت الحين رحنا كل الأماكن بحس بملل بعد فتره بسيطه.....
طلال:لا تخاف مابتمل وأنت معك طلال ال.......
فارس:لا والله واثق أنت ووجهك...
طلال وهو يبتسم:شفيه وجهي ياحلووه البنات يراكضون وراي فالمجمعات...
فارس وطلال:هههههههههههههههههههههههههههههههه......

بغرفة رندا كانت ماسكه الأوراق ومو مصدقه اللي فيها....
رندا بغباء:إنتي متأكده هذي الأوراق تخص أبووي الله يرحمه...
هبه وهي معصبه من غباء أختها:اووووووووووووووف رندا....فتحي عقلك معي شوي وبطلي غباء...شوووفي الأسم صالح حمد ال.....يعني بتكون الأوراق لجدي...
رندا:مو غباء يالخبله بس مو مصدقه معقول بعد 17 سنه أعرف واااااي وناسه....
هبه:أتصلي على الرقم بسرعه...
رندا وهي متردده:الوقت متأخر هبه عيب....
هبه:هاتي انا بتصل....
رندا:لا حبي انا اتصل خلاص.....


امممممممممممم
تتوقعون شو الأوراق اللي لقتها هبه؟؟؟
وكادي شكثر بتتحمل؟!!


بـسـمـه