تابع الحلقه الثاني والعشرين
أم حنين\ولو يابنتي..مهما كان هذا زوجك..لازم تردين عليه باحترام...
حنين\آآه يايمه خليني ساكته...صدقيني يمه ..والله غصبن عني..كل
ماأتذكر..أني ارغمت عالزواج بسبب هالفيصل,,وعشان أرضي
أبوي..أتذكره..وأحط حرتي كلها فيه..ماأقدر أنسى ..صدقيني يمه ماأقدر
أتقبل فيصل..ماتعودت عليه..احس اذا شفته..او سمعت أحد يتكلم عنه
الشياطين كلها تتجمع براسي..وأكرهه أكثر من قبل...
أم حنين برجاء\لا يابنتي لاتقولين هالكلام..لاتعورين قلبي...وانا اللي
مفكرتك بديتي تتأقلمين على الوضع..بس والله أني كنت حاسه أنك متضايقه
حيل ..وودك تفركشين كل شيء
حنين\يايمه أنت أكثر وحده تعرفيني..وكل شيء صار غصبن عني..مش
بارادتي.. لكن خلاص يايمه..أنا تعبت...وخله شوي يذوق المر اللي ذقته..
دخلت حنين غرفتها وهي مره متكدره ..حتى نست سالفة الخياطه او أنها
يمكن تناست الموضوع لأنها ماله نفس لشيء..يكفي جيت فيصل عشان تكره اليوم كله..
أم حنين\عمر تعال معي ناخذ الأغراض اللي بره..
عمر\وين نحطهم يمه..مافي مكان...
أم حنين\يعني كيف نخليهم بره..امش معي بلا هذره ..تراني مش ناقصه..
عمر\أن شاء الله يمه أن شاء الله بس أنت الله يخليك هدي أعصابك..مو زينه
عليك العصبيه..
أم حنين\آآه ياعمر والله مدري أشفيني..حتى شكل السكر مرتفع عندي..
عمر\متى آخر مره حللتي يمه!!
أم حنين\من زمان ياولدي ماحللت...
عمر\خلاص يمه بكره الصبح مش رايح المدرسه عشان أوديك المستشفى..
أم حنين\لا ياعمر...ماعليك مني اهم شيء أنت ودراستك...أما أنا أروح
يوم الأجازه معك..مش مستعجله..
عمر\بس أخاف يايمه أن يزيد السكر او ينخفض عن مستواه..وتتضررين..
أم حنين\لا ياحبيبي ..مش صاير فيني شيء..أمش معي ناخذ الأغراض.....
عمر\لا يايمه..انتي قعدي وأنا بروح أشيلهم..
أم حنين\أخاف تتعب...
عمر بابتسامه\تعبك راحه..يابعد هلي والله...
أم حنين\الله يرضى عليك ياولدي....
سعد (بو حنين) \سافر!!!!
صالح\أيه سافر!!
سعد\طيب..والحل...كيف نخلص أمورنا...الرجال سافر..
صالح\شوف....مافي الا نروح لصاحبنا..ونطلب منه...لأن هذا الوسيله
الوحيده..والموجوده حاليا...
سعد\طيب واذا مارضى يستقبلنا...انت نسيت السالفه الأخيره اللي بينا
وبينهم...
صالح\لا مانسيت..بس وش نسوي..مافي الا هالحل..والا أنت عاجبك
وضعنا...
سعد\ياخي هالرجال ماوراه الا المشاكل..خلنا نشوف غيره أحسن...
صالح\يالله قولي مين..وانا معك....
سعد\يعني أنت ماتعرف غيره...
صالح\لا....انت تعرف..!!
سعد\وش بيعرفني ياصالح..أحنا مانتعامل الا مع واحد..
صالح\خلص أجل نعين خير... والليله نروح لمزرعتهم...
سعد\صار....
سوزان وزياد والحب اللي من طرف واحد ..وش بيكون مصيره!!
خالد وترف والمشاعر الجديده بتأثر في قصتنا!!
حنين وفيصل والصراع المستمر...بيكتمل زواجهم على خير!!
متعب وأحزانه...بيتوفق في سفرته وبينسى حبه الأول..
هيفاء وخطيبها المنتظر..بتوافق عليه!!
بو حنين وصديقه صالح..والضياع والمصير المجهول..وش موقفهم في قصتنا!!
انتظرووووووني
أحساس