تطوير البنى التحتيه
في مدينتي حـــائل نسمع بتطوير البنى التحتيه ولكن لازلنا لم نرى تلك المشاريع
ولازالت لم ترى النور حيث تعثرت قبل مولدها
هنا مع تعثر تلك المشاريع كان مولد هذه الابيات
*
*
*
اذبحونا بعذر تطوير البنى التحتيه
................... كذبةٍ مادري على من ساقها صــاحـبـها
ميـر مشـــوها علينا غصب بالجبريه
.................. لامتى عصــر الجـهـاله مـاشيٍ قــاربـهـا
كل مشروعٍ رصد له جزء ميزانيه
...................فــالبـــلـد مــاتم والكــذبه مشـى كــاذبها
ودي امشي امورٍ بالخفا مرأيه
................... مـايبـين بي غـثـاهـا لاذهــب ذاهــبـهـا
مير في قلبي وفا صادق قليلٍ زيه
.................. تنبـذح كبدي الى شـفت الخطا شـــذبـهـا
اقتـصـادية بلـدنا هـامـده مـرمـيـه
..................من لها ســابع سـنه خـيبة تعـب راكبـها
مابني منها ولاحاجه تقل منســيه
..................من خـريطة هالمشـاريع اهمـلـوا جـانبهـا
زد على ذا ماقد حصل من أخطءٍ طبيه
.................. وضعف كادرها سبايب موجةٍ تضربها
والمباني حقت الصحه فضيحه حيه
....................والتخصص يثبت اقوالي ولايكـذبـهـا
وكم مستشفى بحائل مسأله وقتيه
.....................مـالقـيـنا لـه عـذر بـاجـابـه نـرتـبـهـا
صار في سابع سنه طيه ترادف طيه
................... عظمةٍ ماتت ماحد ياللأسف راقـبـهـا
والمنح نسـمح ولاشـفنا ياكود سـنيه
...................وغرزت قبل الصكوك يجيبها واهـبـها
حطوا شـروطٍ بها تعجيز بالحـريه
.................. تقـل مـاهي ملك لك والا تـقـل ناهـبـها
والمساكن غاليه حتى الجهه الشرقيه
................جــا بها الاســكان لكـن شــركـتـه تعـبـها
والمطار اللي حكوا به واختفا طاريه
.................. بس مادري عن علومه وين هو ذاهبها
وصرفنا الصحي تهالك مانتهى من غيه
................ مانتهى غير الشــوارع للأسـف خـربهـا
والبطــاله بـازديــاد بمنطـقـتـنا ذيـه
................والســبـب قل المشــاريع ومن بها ينـقـبها
وقالوا ايش؟؟!! المنطقه باكر تعود حيه
.................اقتصـاديه لــهـا مســــتـقـبـل يهــذبـهــا
وكم مشــاريع ببلــدنا للبنى التحـتـيه
................نســمع ولانشـــوف شي نفوسـنا يطـربها
وللأسف مايذبح الأنفس بزود الكيه
................غـير مانســمع هـنا والفـعـل مـاقـاربـهـا
عيد سمران