للاسف نستني على الخط وسمعتها وهي تخون ..!
في ليلةٍ ظلماء ..
سوادها غطى على عيني وناظري..
انهار حبٍ بنيته من سنين ..
كنت أسمع بالـخيانه وعرفتها في ساعتين ..
يوم أسمعها تقول وانا في صمت وذهول ..
للـحبيب اللي جالس جنبها ليت الليالي تطول ..
وأسمع الـضحكات وسوالف عشاق ومحبين ..
والمشكله الـكلام اللي تقوله ..
كلامي اللي قلته لها من سنين ..
سمعتها تضحك واهو جنبها يضحك ..
وأنا القهر والجرح بوجهي يضحكون ..
..
قالتله : أحبك بنفس نبراة الدلع ..
اللي كانت تقوله لي في شوق وولع..
وقامت تقول ابيات من القصيد ..
وأتغزل فيه وفي الحب الجديد ..
وأسمع صوتها وهي تقول ..
بيت من الشعر قالته لي من زمان ..
أحبك يا .....كثر قطرات المطر ..
وكثر ماقالوآ العشاق كلمة أحبك ..
ماغيرت في البيت شي ثاني ..
لا في قافه ولا الأوزان ..
غير أنها بس شالت أسمي وحطت أسمه مكاني..
وسمعتها فجأه تقول ..
الموعد قرب ينتهي ..
أشوفك باكر يابعد عمري ..
قال : وين ؟!
الساعه توها بدري .!
أجلسي بـقربي شوي .!
خلي قلبي من حنانك يرتوي ..
قالت : أسمحلي تأخر الوقت ..
حتى شوف الساعه في جوالي كم ..
ناظرت في جوالها وتفاجأت !
تغير صوتها بسرعه وتلعثمت !
شافتني معها على الخط
ماتدري أني اسمعها من ساعتين ..
قالت : ألو.. ألو..ألو..
قلت : بس يكفي لاتولولي ..
القلب من جرحك ملتوي ..
قالت : من متى وانته معي ..؟
قلت : لا تسأليني اسألي مدمعي ..
قالت: أكلمك بعدين..
وأسمعه يسألها ويقول ..
مع من تتكلمين ؟
قلت : قوليله أني ..
أللي حبك من ثمان سنين ..
أللي قضى عمره في شوق وحنين ..
لاتكذبين !
قوليله أني ..
من باع عمره وحياته واشترآك ..
من حرم نفسه لجل يكسب رضاك ..
لاتكذبين !
قوليله أني ..
إنسان مادخل قلبه غيري أحد..
إنسان تضحياته من أجلي بلا عدد ..
لاتكذبين !
قالت : خلااص أكلمك بعدين ..
قلت : ليـه خير وش تبين ؟!
كيف تطاوعني نفسي أكلمك ..
أنا من كثر ما احبك ماودي أجرحك ..
بعد الخيانه وش باقي تسوين ؟!
أبطلبك وادري مابتقصرين ..
أبيك تنسيني ..
وعن حياتي تبعدين ..
أبي اعيش في جرحك لين أموت ..
وابعد عن حياتك واروح ..
قالت : أرجوك !
قلت : لاتكملين ..
حبي وحبك اللي من سنين ..
إنتهى في ساعتين ..
احترااامي لــكم
gghst ksjkd ugn hgo' ,slujih ,id jo,k
gghst ksjkd ugn hgo' ,slujih ,id jo,k