منتدى دمعـــة ولـــه - عرض مشاركة واحدة

06-16-2006, 03:49 AM

مرت الايام على نوف وطلال احلى من العسل وكل واحد مب شايف غير الثاني قدام عيونه كل يوم يكلمها مرتين او ثلاث مرات بالجامعه واول ماتطلع منها وبعد ماتوصل البيت وتنوم يدق عليها باليل واذا مادق عليها يتقابلون على النت بالماسنجر او يرووحون الشات ويسولفون هناك ويكتبون شعر لبعض لدرجه ان الكل الي معاهم بالشات شكو انهم يعرفون بعض وبينهم شي . وفي مره من المرات قالت نوف لطلال سلفتها مع راشد ولد عمها الي يحبها من كانوا صغار ويمووت فيها والي حالف مايتزوج غيرها (ليش قالت لطلال عن راشد عشان مايتعلق فيها طلال بزياده ولانها تعرف انها في يوم بتنزف لراشد مب لطلال وعشان مايلومها ليش تعلقيني فيك وانتي تعرفين انك ماراح تتزوجيني )
قالها طلال انتي ليه تقولين كذا وربي مايلمس شعره منك وانا حي انتي لي انا مب لاي احد ثاني واذا ماكنتي لي راسي تحت التراب يا نوف .....
****************
ايه اعشقك لو على راسي السيف
والله لو عشقكك مثمن بالحياة
يفتديك راسي يفتديك كل حيف
والله وربي انتي لقلبي منــاه
ما ابالي لو خسرت الناس كيف
المهم تكوني لي في منتهاه
****************
ارسلت له مسج تقول فيه
لاتغامر في حبي ولاتجبر
شخصن دروبه لغيرك انهدوا
************
رد عليها مسج يقول:
لاتغامر في حبي ولاتجبر
شخصن دروبه لغيرك انهدوا
البيت هذا مابيك تعتبرينه شي عمر البنت ال ـــــــ ماتهدا هديه اذا مانتي موافقه عليه وربي ولايلمس شعره من راسك وراسي يشم الهوا
نوف تقرا المسج وتصيح لانها بينها وبين نفسها تعرف النهايه المحتومه المكتوبه لها هي وطلال بس تقول خلوني اعيش مبسوطه معاه وانشالله يصير الي في بالي
****************
ارسلت نوف مسج لطلال في يوم وقالت فيه انا بقفل جوالي كم يوم لاني بروح المستشفى حبيبي بيسوي عمليه ويبغاني اكون معاه
ارسل لها مسج يقول فيه
ـــــــــــــــــــــــــــــــــــــــــــــــــ
مادام لك خل مع الناس موجود
مالي مكان في حياتك ولاشي
الله يسهل خطوتك بخير ممدود
يسعد عيونك وشوف نورها ظي
مرت سنين صابر والرب محمود
اناظر للسما من فوق جبل طي
عودتني دنيتي ان الحظ مجحود
مثل البحار راكب سفيه بلا مي
مثل المنادي بصدى صوت مردود
لاهو تحت قبره ولا عانق الفي
مثل اليتيم تايه ماعنه منشود
لاهو توفى مع والدينه ولاحي
مثل كسير العين ما بها فود
لا ينفعه دكتور ولا ينفعه كي
امانتك ذكراي لو ما بها زود
ذكرى خير وتقول مات وافي
ــــــــــــــــــــــــــــــــــــــــــــ
ضحكت نوف الا فقعت ضحك من قلبها اول ماقرت المسج وعل طول دقت عليه بس مارد ارسلت له مسج :
انا قصدي حبيبي عمي عزوزي لايروح تفكيرك بعيد بيسوي قصطره في القلب ويبغاني اكون معاه وماقدر اقوله لا
قالها متى؟
قالت:بعد بكرا
كلمها واستفسر ليش تقوله حبيبي ومين هذا عبدالعزيز الي تقوله عزوزي حبيبي وقالت له قصتها مع عمها انه هو رباها واكثر واحد يدلعها في البيت وبس راحت نوف مع عمها عزوز وظلت اسبوع وبعده طلعت من المسشتفى وكملت حياتها عادي ...
.................................................. ....
وفي يوم من الايام دقت نوف على طلال بس مارد عليها ارسلت له مسج مكتوب فيه(انا حلمت بك البارح انت طويل واسمر عيونك بنيه جسمك مب متين مره بس فيك متن خشمك مب طويل مره شعرك اسود ناعم وبادي تصلج من قدام ومسوي دقنه مرررره حلوه كنت جالس على الكمبيوتر ولابس بنطلون بيج وتي شيرت اسود عليه رسمت نار لونها احمر واصفر وبرتقالي) دق عليها وسئلها؟؟
طلال:الوووووو
نوف:الو هلا
طلال:كيف الحال؟؟
نوف:الحمدلله تمام انت شلونك؟؟
طلال:بخير الحمدلله
نوف:شلون صحتك؟؟
طلال:الحمدلله بخير وش المسج هذا؟
نوف:صح علي الي فيه؟؟
طلال:انتي شايفتني قبل؟؟
نوف:أي بالحلم
طلال:لا قبل الحلم؟؟
نوف:لا وربي ليه؟؟
طلال:مادري كل الي قلتي عنه صح
نوف:نفس الي قلته بالمسج؟؟
طلال:ايه بالتفصيل مثل كل شي بس في فرق واحد؟؟
نوف:وشو؟؟
طلال:ماعندي تي شيرت اسود عليه رسمت نار
نوف:ههههههههه يعني صدق الي شفته بالحلم؟؟
طلال:ايه
نوف:انتبه ترا انا احلامي ماتكذب اذا بغيت اعرف شي يجيني بالحلم
طلال:منتي هينه خلاص بجي الرياض والبس بنطلون بيج وتي شيرت اسود بس من وين اجيب عليه رسمت نار؟؟ وبحط دقنه مع اني بعمري ماحطيتها بس علشانك بحطها
نوف:هههههههههههه تتكلم جد
طلال:أي
نوف:اجل يلا تعال وخلني اشوفك انت الي بالحلم او واحد غيرك
طلال:لاتتحدين ترا بجي
نوف:تعال حياك بس لا تلبس تي شيرت برد عليك
طلال:خلاص الاسبوع الجاي وانا عندك,,,, اجل وش البس؟
نوف:مدري بس أي شي ثقيل لانه برد
طلال:مايهمك ,,,,,,,,,,,,
كملوا كلامهم لحد ماجى وقت البريك وراحت نوف لصديقاتها
.................................................. .................................................. ...
مره دق طلال على نوف وقالها انه بالرياض جاي عشان عنده اجازه اسبوع ,,,,
نوف:وينك الحين؟؟
طلال:عند باب الجامعه
نوف:.؟؟؟؟؟؟وييييييين؟؟؟؟؟
طلال:هههههههههه عند باب الجامعه
نوف:صدق؟؟
طلال:ايه والله
نوف:تدري الساعه كم تفتح البوابه؟؟
طلال:كم يعني
نوف:الساعه 12 ونص والحين الساعه 10
طلال:مب مهم عادي اجلس انطرك
نوف:انت تتكلم صدق؟؟
طلال:أي وربي
نوف: طيب انا الساعه 12 وربع اطلع من عند البوابه رقم(ـــــ)
طلال:خلاص تلقيني لابس
نوف:لا لالالالالالالا تقول شي خلني انا اطلعك اشوف اعرفك او لا
طلال:اوكي
جت الساعه 12 وربع وماطلعت نوف دق طلال يسئلها وينها؟؟؟
طلال:وينك؟؟
نوف:يلا هذا انا بروح البوابه كنت انتظر صديقتي هذا انا البس عباتي وبطلع الحين
طلال:اوكي تلقيني على يسارالبوابه
نوف:اوكي باي
طلال:باي
طلعت نوف واول ماطلعت طاحت عينها على واحد واقف عند سيارته كان فاتح الباب وواقف وراه لابس ثوب ابيض (تخيلوا بعز الشتاء والبرد لابس ثوب ابيض الله يهديك يقول مب برد) ولابس شماغ ومشخص ,,,,
نوف نقرتين لعرض الصورة في صفحة مستقلة

بينها وبين نفسها ooh my good هذا هو هذا هو نفس الي شفته بالحلم وربي )
عينها جت بعينه هي لابسه لثام وواقفه مب بعيد عنه يعني تشوفه ويشوفها
دقت وهي تدق تقول يارب هو يارب هو دق جواله انبسطت مرررره شاف الرقم وعطاها مشغول ورجع دق عليها,,,,,
طلال:حلو المنديل البرتقالي
نوف:يعني انت الي واقف عند السياره ال(ـــــــــــ)
طلال:أي
نوف:خلاص شفتني باي
طلال:هههههههههههههه باي
ركبت السياره ودق عليها وجلسوا يسولفون لحد ماوصلت البيت ...كانت هذي حالتهم اول ماتطلع يدق عليها وهي بالسياره يسولفون لحد ماتوصل البيت وتقفل...
ارسل لها مسج يقول فيه:....
******************
لو بحثت في الكون مثلم ما اجد
في حلاك وفي دلالك ياغلاي
انت من أسكنك قلبي للابد
ياعديل الروح يا فرحي وهناي
غيرك من الناس ما قام وقعد
انت يا المجمول من يروي ظماي
ياهوى بالي يا وافي الوعد
يا صدوق ما تنكر لهواي
في حياتي ما انوجد مثلك احد
ولا بعدك اليوم يا مرضي و دواي
مابهالدنيا وجد مثلك ــــــــــــــــ
حظ عيني دامي اشوفك معاي
اخفي البسمه عن عيون الحسد
خوفتي ياـــــــ يعكر صفاي
*****************
يارفيقة قلبي العاشق هويت
اسمك ورسمك وهمس العيون
ان شكيت شوي بدمعي بكيت
ماقدر اخفي دمعة فيها شجون
في زماني فات مامثلك لقيت
ما ابي غيرك حتى لو يكون الي كون
حتى لو اموت
*****************
تصبحون على الف خير اخواني وخواتي انشالله عجبكم هالجزء؟
انتظروا الجديد الجديد من قصة نوف وطلال
للعلم ترا المسجات الي بالقصه هي نفسها المسجات الي كانت بين نوف وطلال وانشالله في اخر القصه انزل لكم المسجات الي كان يرسلها طلال لنوف كلها ومسجات نوف لطلال
اختكم الحلوهCrazygirl
بايوووووووو