يا عيون الشعر واحلام الضريـر
يا هوى المشتاق لاحضان الدفـا
في هواك اليـوم قلبـي لـك اسيـر
يـا مـنـاة الـحـب يــا روح الـوفـا
كم بكيت بصمت يجرحني الغدير
لانهمـر مـن فــوق خــدي للهفــا
كم كتبت ابيـات وقطعـت الاخيـر
كـل بيـت لــك مــا يكـفـي الصـفـا
كيف بوصف حب مامثلـه يصيـر
حـب اصفـى مـن دمـوع ٍ بالخـفـا
يمـه ادري لوكتبـت ابقـى عسيـر
ولا وفـيـت الـحـب حـقـك يالـوفـا
كـل شعـري مـا يبيـن لـك سعـيـر
فـي خفوقـي لانزلـت دمعـة جـفـا
يمـه ادري مقصـر بحـقـك كثـيـر
بـس شوفـي حالـة العـاجـز كـفـا
والله يـا يمـه بدونـك مــا اصـيـر
اطلبـي منـي عيونـي ولــك شـفـا
آآه يـا يمـه دموعـك بــي سعـيـر
يــوم هـلـت فــي غيـابـي بالخـفـا
آآه يـــا يـمــه فـديـتـك ياليـسـيـر
يامنـاة الشـوق وباحضانـك غفـا
يمـه انتـي رحمـة الــرب الكبـيـر
فـيـك جـنـه بـرّهـا لـنــاري طـفــا
هـذا شعـري اقبلـي منـي صغـيـر
فـيـك يكـبـر كــل شـعـري و كـفـا
اهداء خاص لأمي الغاليه
NNi dh dJlJJi tJJ]dJJjJJJ;
NNi dh dJlJJi tJJ]dJJjJJJ;