بسم الله الرحمن الرحيم
انا ابو فهد وحاب احكي لكم قصتي مع زوجتي ام فهد الله يرحمها رحمة واسعه ويغفر لها ويجعلها في اعلى مراتب الجنه
انا رجال متزوج من 3 سنوات بس حملت حرمتي بعد سنه من زواجنا وجابت لي فهد الله يحفظه وطول وشي طبيعي تكون فيه مشاكل في حياة الانسان سواء كان الغلط مني او منها لكن الشي اللي مو طبيعي انها دااااايم كانت هي المبادرة للصلح سواء كانت غلطانه او لا وانا احيان اقبل صلحها واحيان اتغلى عليها يوم او يومين وتتعب مسكينه (اه يا ام فهد الله يرحمك) وراي بالاتصالات واذا جيت البيت تحاول ترضيني باللي ابيه لين جا ذاك اليوم اللي ما راح انسااه طول حياتي تناقشت معها عشان تبيني اسفرها لاهلها بحكم انها ما شافتهم من وقت ما جابت فهد عمره حول السنتين وهم في منطقه ثانيه وكان عندي اجازه من العمل رفضت انا وضلت تحاول كل يوم اني اوديها وانا ارفض وانا اعرف نقطه ضعفها زعلي ما تبيني ازعل عليها وقلت لها انا زعلان منك ومتضايق ولا عاد تكلميني ودخل الشيطان بيننا كلمة منها وكلمة مني وجرحتها كثييييييييييير بالكلام (مع انها نادراً ما تصرخ علي عسئ مرقدها في الجنة) واطلع واخلي لها البيت بكبره واروح لاهلي وشكلها ندمت كالعادة وبدت تتصل علي واحط الجوال صامت وترسل لي ولا ارد عليها وقعدت على هالحال من بعد المغرب الى حوالي الساعه 11 بالليل وانا معطيها طنااااااااااااااش واستغربت انقطع اتصاالاتها بس قلت اكيد طفشت خلوها وتعشيت عند اهلي ورجعت البيت ويا صعووووبة ذيك الليله دخلت البيت كان قممممه في الهدوء ما اسمع شي ودخلت غرفة النوم ما فيها احد رحت الصالة لقيت فهد نايم عند العابه قلبي نغزني ماهي عادتها تخلي ولدها ينام في الصاله رحت المطبخ لقيتها طايحه بالارض (كانت تجهز العشااء .. ام فهد كانت تجهز لي الطبخه اللي احبها وانا كنت مو مهتم) والدم طالع من انفها نسيت الزعل ونسييييت كل شي وادق عالاسعاف واشيل ولدي وانزله عند جارنا اللي تحت وجات الاسعاف وشالت ام فهد عالمستشفى اول ما وصلنا كأنها رجعت فاقت وماطولت وسلّمت روحها للي خلقها
بغيت انجن صررررخت قطعت ثيابي ما فيه فايده راحت ام فههد راحت شريكة حياتي راحت امي واختي وزوجتي ورفيقة دربي وشريكة حياتي راحت الطيبه الحنونه اللي ما ترضى بزعلي عليها وليتها راحت مرتاحه راحت مقهوره مني راحت زعلانه راحت ما شافت اهلها لها سنتين ما شافتهم
الحين هي المره الاولى اللي ادور فيها رضاها لكن وشلون الاقيه
واللي يذبحني اكثر ولدها فهد نسخه منها في الشكل والتصرفات امووت مية مرره لا سمعته يدور ماما ما يدري اني انا بعد ادورها كل يوم في المطبخ والصاله واحضن وسادتها قبل انام
هذي قصتي يالربع ونصييييحه لا تغلطون غلطتي والله انها غلططططة ما تغتفر انا ما اعترض على قضاء ربي هذا يومها لكن اللي كاسر ظهري اني زعلتها وماتت زعلانه
نسيت اقولكم ان الضغط ارتفع عندها وسبب انفجار في الوريد اللي في الراس وصار عندها نزيف
الله يرحمك يا ام فهد يالحنووونه ويرزقك الجنه ويجمعني بك فيها
لااحديزعل احدفهمتووو ي اهلكك القلووب الندم م ينفع بعدين
والعكس صحيح يااخوات لا تزعلن ازواجكن الله يرضى عليكن
rwm hf, ti] lu .,[ji hggi dvplih
rwm hf, ti] lu .,[ji hggi dvplih