رد: مـــــاهــو الـــبيت الـلـي يجـــي عـــلى بــالك..... اذا ضــــاق صــــدرك ؟
واعيني اللي نومها ماهناها
لامن تساوى الليل جاها بلاها
قامت تهل الدمع من فوق خدى
عباير حرق خدودى سناها
عبرة رضيع فاقد شوفه امه
والاخلوج ماخذين ضناها
والايتيم ظالمينه خواله
روحه بيد من لا رحمها ولاها
ولا سجين صكوا الباب دونه
حال السقف من دون شوفه سماها
لاقلت انا ياعين يكفيك يكفى
يكفى ترى ماصاب نفسى كفاها
لاتسهرين المبتلى يالشقيه
خايف عليها من العما من بكاها
ردت على وحيرتني وقالت
من طاعته عينه اليا من نهاها
وراى الوم العين مالوم قلبى
والقلب سبة سوها مع شقاها
اصبحت انا متحير في عذابي
من له ابشكى الحال ممابراها
شكيت همى للجبال الرواسي
لكن ونين القلب كسر صفاها
وشكيت همى للبحور الغزيره
وساعة توحت ونتى نش ماها
وشكيت همى للهبايب وونيت
وازرت تشيل همومقلبي معاها
وشكيت همى للصحارى الوسيعه
لكن ونين القلب ضيق فضاها
وشكيت همى للنجوم السواري
لكن ونين القلب غطا ضواها
وشكيت همى للليالي الطويله
والصبح بان وونتي بمبتداها
ورحت اشكى للشمس من حر مابي
والشمس غابت من خلاها بخلاها
وتخالط الظلام والنور عندي
ماعاد اميز صبحها من مساها
مالى جدا الا بس اطوح ونينى
ذي حالة اللي حاجته ماقضاها
ومن الندم عضيت بسرةيمينى
تلعب بي الحسرات وامش بهواها
اقنب قنيب الذيب واعول عويله
لامن تقضت عبرة جا سواها
كله سبب من لاعنى بالموده
واقفا واخذ روح المعنى خذاها
غربلنى المجمول واحرق ضميرى
حط بحشاي جروح تنزف دماها
اربع سنين بس اعد الدقايق
اشرب كدايرها ويشرب صفاها
انا عذابه مشتقي به معنى
وهو بعذابي بين ربعه تباها
انا شريت القرب منه بروحي
وعرضت له روحى وهو ماشراها
انا عطيته كل عطفي وحبي
وطلبت من كلمة ماعطاها
يشوف حالى مايهون عذابي
يضحك وانا روحى عناها طواها
قلبى عليه وقلب خلى جفاني
نفسى قوتنى وهونفسه قواها
اشكى من الحرمان وابكى جفاهم
جروح العليل الكايده وش دواها
ترجمت وناتى بمعنى القصيده
وارجى عسا يبكى لها من قراها
يقوله اللي حطم البين قلبه
واعينى اللي نومها ماهناها
|