الفصل السادس
في بيت ابو طلال
تفطر طلال وهو يفكر باقي يومين وترجع رنا من لندن يفكر ...........ويفكر جلست جنبة امة بس ماحس
ام طلال :يما طلال شفيك سرحان
طلال :لا يما مو سرحان
ام طلال :يوليدي متى تتزوج علشان أشوف عيالك
خلص كبرت ودي أشوفهم قبل مااموت
طلال :بسم للة عليك يما
ام طلال :اذا تبي تفرحين خليني اخطب لك بنت عمك روان
طلال :روان !...........بس روان كبر جواهر اختي
لا يما انا ماافكر بروان
ام طلال :يوليدي انت اختار الي تبي وانا مستعدة اروح اخطب لك
طلال :صحيح يما
طلع طلال وهو فرحان ومستانس بس كان خايف شوي خايف كان شعورة غريب
ركب سيارتة وعلى طول راح للشركاة
ودخل للمكتب وجلس يتامل
دخل احمد وطلال مااحس بشي
احمد :طلال هذلي ساعة اتكلم وانت سرحان وين !!
طلال :هلا احمد اليوم شوي مشغول
خلص اليوم بالي مشغول بروح للشالية تبي شي
احمد :أي ليش بالك مشغول! بشنو تفكر !
طلال وهو واقف واخذ جوالة ونظارتة ومفاتيح السيارة :بقولك بعدين في امان للة
وصل للشاليهات وغير ملابسة وجلس جنب البحر
طلع جوالة وتصل على_ حبيبية قلبي _
رنا :الو هلا حبيبي
طلال :هلا رنا .......اخبارك؟
رنا :بخير دامني اسمع صوتك ........حبيبي صوتك فية شي شفيك يالغالي !
طلال :متى بترجعين...... اشتقت لك !!
رنا :............
طلال :لية حبيبتي ساكتة
رنا :طيارتي بعد ساعة
طلال وهو مبتسم :صحيح
رنا :أي بعد شوي بركب الطيارة
طلال :حبي عندي لك مفاجاءة
رنا :قولي ياقلبي
طلال وهو يضحك :ههههه مايصير اقول لك ياحبي
بس بقول لك شي ثاني :
شوقي إليك لهيب حين يستعر
لا الدمع يبطل حكما سنة القدر
شوقي إليك مواويل ارتلها
شط المزار فرفقا انني بشر
آآآآه وتأسرني الاطياف والصور
ماالنور ان لم تكن معناه مالبصر
مالحب ان لم يكن نورا يخالجنا
شعر ((فوزية ضيف اللة ))
احبك ......احبك ......احبك
رنا وهي مستحية مووووت:..........
حبيبتي :اول ماتوصلين اعطيني خبر طيب
رنا :اوكي
طلال :انتبهي على نفسك دلوعتي
رنا :اوكي سي يو



قضي النهار كلة بالشالية وهو يفكر ويخطط الكل شي

..............في بيت العبد اللة..........
كان بدر جالس يشوف فلم ومندمج معا الفلم
انزلت لمى من الدور الثاني وهي تركض
بدررررررررر ......بدررر......بدررر
بدر :نعم انا هنا بغرفة التليفزيون تعالي لمى
لمى وهي تركض وتفحط
وبدر يضحك عليها
بدر :شفيك تفحطين !
لمى وهي فرحانة :رنا بتجي خلص باقي ساعة وتوصل طيارتها يلة خلينا نروح نستقبلها
بدر :مايحتاج كفاية السواق يروح
لمى :لااااااااا احنا نروح نجيبها
بدر كسرت خاطرة :طيب خلص يلة غيري ملابسك
بدر لحظة لمى:ابوي يدري
لمى :أي هو الي حجز لها اكيد يدري
بدر :طيب
صعد بدر الغرفتة وشلح قميصة وبنطلونة علشان يغير ملابسة
وجلس يتامل نفسة بالمراية
كان في حرق بسيط في يدة اليسرة وكان واضح
وجلس يفكرغريبة هذي الدنيا عندي كل شي بس مو قادر اشيل التشوة عن جسمي وجهي كنت اجمل واحد وانيق بلبسي بس الحين مايحتاج اكشخ محد بيهتم غير التشوة الي بوجهي وينقرفون منى
لبس بنطلون بيج وتيشرت اخضر وكاب اخضر فية بيج من قوتشي ومعاة طقم لبس الجزمة ولبس ساعتة كارتير واخذ جوالة وطلع
نزل ولقي لمى جاهزة
بدر وهو يضحك :خلصتي قبلي غريبة كل هذا مشتاقة الرنا !
لمى :أي وحشتني مرة
وطلعو برا بالكراج
شرايك ناخذ الهمر والا المرسيدس
لمى :لا المرسيدس اوسع
وطلعو المطار وكانت رنا تنتظرهم
رنا شافت لمى بس مااعرفت مين الى معاها !!
لما قرب بدر عرفتة رنا وهي مستغربة بدر!!!!
وجلست تصيح بنص المطار .بدر شفيك !ليش وجهك كذا !
بدر وهو يسكتها :خلص فضحتينا امشي السيارة الناس تلتفت علينا
لمى وهي ساكتة وتضم رنا
كان طريق الرجعة كلهم ساكتي محد يتكلم حست رنا بضيقة وقررت هي تكسر الصمت
لمى جبت لك هدية روووعة وانت بعد بدر جبت لك هدية فخمة ادري فيك تحب كل شي فخم وراقي
بدر كان ساكت
قررت رنا تسكت ولا تتكلم افتحت جوالها وارسلت رسالة الطلال ((حبيبي وصلت الشرقية وتعبانة شوي بكرة اتصل عليك ....احبك.))
دخلت البيت وصعدت الغرفتها وهي تبكي ودخلت عليها لمى وشافتها تبكي
لمى :شفيك ليش تبكينّ
رنا :شفية بدر ليش هذا التشوة الفضيع الي بوجة .........!وليش محد قالى ......؟؟الحين عرفت ليش ابوي وانتي بس الي حضرتو حفل التخرج!!
لمى :شفيك مكبرة المواضيع بدر مافية غير العافية وبعدين تشوة بسيط الى بوجة يحتاج كم عملية ويصير احسن !
رنا :انتي شنو تقولين !!هو شلون صار لة هالتشوة
لمى : بحادث خطير بالامارات كان هو وصديقة خالد بالسيارة بس خالد عطاك عمرة وهو ربي كتب لة يعيش شفيك ياحبيبتي هذا قضاء اللة ولزم تروحين الحين وتاخذين بخاطرة
بدر كان جالس بالحديقة ماادخل البيت
راحت رنا وجلست جنبة .........
رنا :انا اسفة بدر ماكان قصدي احرجك
بدر :لا عادي ردت فعل طبيعية انا تعودت خلص
رنا :طيب بطلب منك طلب
بدر :شنو !!
رنا :ممكن اشوف وجهك من قريب
بدر وهو يضحك :لية علشان تعورين قلبك بس !!
رنا :معلية بس خليني اشوفة
التفت بدر عليها ومسكت رنا وجة بدر بيدينها وشافت الجرح العميق الي بوجة كان مخيف وحست الباقي عادي بس غصب عنها دموعها نزلت
بدر وهو يشوف دموعها :ليش تبكين
رنا :فرحانة انك عايش الحمد للة على كل شي
بدر :وهو يمسح دموعها شرايك اليوم نروح نتعشا بالمطعم الى تحبينة نروح شليز
رنا :أي نروح بس وين ابوي ماشفتة
بدر :هو عند عمتي بيجي بالليل
رنا :بروح اقول لمي علشان نغير ملابسنا
-------------------------------------------------------
في بيت بو طلال
البنات متجمعين جواهر وروان وعهود ورهام وكانت عمتهم خلود عازمتهم قررو يتعشون برا واختاروا شيليز
راحو البنات المطعم وجلسو وطلبو كانو فر حنين علشان عمهم طلع من المستشفى وصار احسن وكان يضحكون
وبنفس الوقت دخلت لمى وبدر ورنا رهام على طوووول اعرفت لمى
رهام :بنت شوفو لمى
التفتو البنات وشافو لمي وعرفوها
بس جواهر كانت بعالم ثاني انتبهت لة هوو .........هو بعينة ....هو بدر أي اكيد هذا الجرح الي بوجة...... وهذي نظرات عيونة الباردة....... وهذا صوتة الدافي !!هو بمشيتة عرفتة بس اليوم صاير غير صاير انيق صحيح التشوة الي بوجة مو مرة واضح بسبب القبعة بس الجرح البشع مبين !!
مين لمى !!!
رهام :لمي لمي
التفت لمى وشافتهم وعلى طول ابتسمت وراحت تسلم عليهم
بدر ورنا على طول اجلسو على طاولة وطلبو
وكانت لمى عند البنات تسولف معهم
البنات عرفو لمى على جواهر
جواهر وهي منصدمة :مين هذا الي معك اخوك وزوجتة !
لمى وهي تضحك :لا هذا اخوي بدر واختى رنا
في نفس المطعم وبطاولة ثانية
رنا :وين راحت لمى
بدر :عند صديقاتها
رنا :بروح اتعرف عليهم
بدر :وتتركيني الوحدي!!
رنا :بس شوي اسلم عليهم واجيب لمى طيب
وراحت رنا وتعرفت على البنات
بدر التفت علشان ينادي القرسون وهو يلتفت لمحها هي !!........هذي جواهر ولا يتخيل لي !!
الا هذي نظرت عيونها........ وضحكتها هذا خجلها ؟؟
هذي رسمة عيونها !! وهذي غمزتها !!هي ياللة !! مااتوقع عرفتني اكيد ماتتذكرني .......جلس يضحك على غبائة شلون ماتتذكرني.....!! والتشوة الي بوجهي الى يشوفة ماراح ينساة ابدا !!!
رجعو لمى ورنا
بدر :مين هذولي البنات لمى !!
لمى :هذولي صديقاتي تعرفت عليهم بعرس صديقة لي
بدر :سكت .... بس اشوفك تسلمين عليهم شلون يعني صديقاتك ؟
لمى :لا بس في بنت معهم اول مرة اتعرف عليها كانت تعبانة ولا جت العرس
بدر تاكد انها جواهر :طيب خلونا نطلب
وجلسو يسولفون ويضحكون ورجعو البيت
دخل بدر غرفتة وبصمت جلس من غير مايفتح النور.......... جلس وهو كئيب وحزين جلس بالظلام والسكون الرهيب جلس يفكر ...ويفكر ...اول ماشفها نبض قلبة مااتوقع انه تعلق فيها الهدرجة................... غريبة هذي الدنيا قام ونزع ملابسة وقرر ينزل المسبح لبس المايوه حقه والبس الروب .................واخذ دفترة وجوالة معاه نزل القبو وعلق روبة وشغل الميوزك وانتشر صوت الموسيقا بالمسبح ونزل المسبح كان يسبح بقوة ويغطس تحت المواية وهو يفكر........... ويفكر تعب وقرر يطلع
طلع من المسبح ...................وطلب لة كاس عصير برتقال وجلس متمدد فتح الدفتر وكتب فية
تحطمني الذكريات وتقتل روحي وكياني وتهمر دوعي وتحرق فؤادي وتعصر سعادتي !!!!!
هذة هي اصغر همومي وانا اتنفس ؟ ؟؟؟

ولكن عندما يدهمني الموت الاصغر.....! وتنتظم دقات قلبي......... وينخفض معدل تنفسي....... تكون معانتي اكبر واوضح واشد ايلام .........!!! فااحلامي تتعبني وتثقل وتزيد همومي وتساعد على تشتت افكاري لا استطيع التحكم فيها ولا استطيع النهوض !!!!

وعندما انهض افسر هذة الاحلام واتكهن في افكاري واضيع في استفهامي وخيالي !!
..
..
سكر الدفتر وطلع غرفتة يرتاح وينام ...
في مكان ثاني وبيت طلال
قرر طلال يخطب رنا وقرر يعطي ابوة خبر دخل جناح امة وابوة واستئذان ودخل
طلال :السلام عليكم
ابو طلال :وعليكم السلام
طلال :يبا ابغا اكلمك بموضوع
ابو طلال :خير يولدي
طلال :قررت اتزوج ودي نروح نخطب انا ويك
ابو طلال وهو يبتسم:ماشاء للة ومين هي البنت ؟
طلال ":بنت العبداللة تعرفهم
ابو طلال :والنعم فيهم
طلال :اسمها رنا
ابو طلال :وانت من وين تعرفها
طلال :شفتها ببريطانيا هي كانت تدرس ودخلت خاطري
ابو طلال :خير ياولدي انشاء للة مايصير غير الخير
بكرة انا اتصل على العبداللة واخذ منة موعد ونروح انا وانت وعمامك نخطبها
طلال :خير انشاء للة
.........................................
ايش راح يصير الطلال ورنا ابوها بيوافق على الخطبة ؟؟!!
وايش راح تكون علاقة بدر بجواهر !!
بالجزء القادم