الفصل الخامس




في بيت ابو طلال البنات جالسين يفكرون
جواهر وعهود وروان ورهام
جواهر :خلص مو لزم نروح العرس عمي بالمستشفى ونروح
عرس قلبي مايعطيني
عهود :اية واللة كلامك صح نروح نرقص ونغني وعمنا تعبان
رهام :اقول لا تعقدون الموضيع يعني اذا مارحنا بيصير عمي احسن عادي على الاقل نروح نغير جو نشوف الناس
روان :رهام استحي على دمك شنو هالكلام هذا عمي وبحسبة ابوي
جواهر :خلص مانروح احسن هذا اخر قرار
عهود :بس سميرة بتزعل اذا ماحضرنا عرسها شرايكم نروح ساعة ونرجع
رهام :مجنونة انتي الحين بنروح الكوافيرة وبنتكشخ وخسرين على فساتينا ونروح ساعة ونرجع لية انشاء اللة
جواهر:خلص مانروح احسن
روان :بتصل على ماما بشوف شنو تقول
روان:الو هلا ماما
ام فيصل :هلا روان شخباركم ؟
روان :بخير شخبار عمي صار احسن ؟؟
ام فيصل :أي الحمد اللة العملية نجحت وعمك قدامي بخير مافية شي
روان :صحيح ماما هو بخير
ام فيصل :أي بخير وحالتة مستقرة
روان :ماما ممكن نكلمة
ام فيصل :أي حبيبتي
روان بنات بنكلم عمي يوسف نكلمة على السبيكر
ام فيصل :ابو خالد البنات بيكلمونك
ابو خالد :أي ياني ولهان عليهم
روان :ماما حطية على السبيكر
علشان عمي يسمعنا زين
وفتحت ام فيصل الجوال سبيكر
روان :الوو هلا عمي اشتقنا لك ماتشوف شر
ابو خالد :الشر مايجيك ياروان
عهود :هلا عمي انا عهود ماتشوف شر يالغلا كلة
ابو خالد :تسلمين يالغلا

طبعا الشباب طايرة عيونهم شفيهم هالمخابيل
جواهر :تكلمة بكل هدوء وثقة السلام عليكم خطاك السو ياعمي
ابو خالد :شكرا ياعهود
رهام :هلا عمي شفت مافيك شي خلص يعني اروح العرس عادي
البنات رهام اسكتي
رهام لا عادي بستاذن من عمي
ابو خالد :شفيك رهام
رهام:ابي اروح العرس وهم يقولون مايصير نروح العرس وعمي تعبان وانت بخير هذاك تتكلم
ابو خالد :هههههههههههه
والشباب قامو يضكحون صحيح خبالة هذي وفيصل يقول رهام اسكتي فشلتينا وابوها وامها ميتين ضحك
البنات انصدمو في احد بالغرفة لا ويضحكون على رهام الخبلة !!!!!!!!!!!!!!!!!!
جواهر يلة عمي معا السلامة وسكر على طول
جواهر :اللة يفشلك فشلتينا
رهام :لا عادي اهم شي عمي راضي يلة خلينا نروح
روان :اففففففففففف منك يلة خلينا نروح
وراحو البنات للكوافيرة وكشخو وراحو العرس
دخلت جواهر وهي لبسة بني
ورهام لبسة احمر كانت
و روان لبسة سماوي
وعهود لبسة اسود
اول ماادخلو العرس الكل انهبل عليهم وشافهم وتعجب من الاناقة ولبسهم الغريب صديقاتهم موجودين ونص قسم الانجليزي موجود اغلب العرس بنات وصعدو على طول العند صديقتهم سميرة وفرحت فيهم وعلى طول دمعت عيونهم كانت صديقتهم تجنن خيااااااااااال بالفستان الابيض العنود صديقاتها حيل عهود وروان وجواهر كنت معهم مو صديقة سميرة مرة بس زميلتها ورهام كانت مندمجة معا الاغاني والرقص ونزلو البنات من عند العروس وجلسو على طولة محجوزة لهم قدام الكوشة وكانت القاعة فخمة وصوت المغنية وهي تغني هلي لا تحرموني منة ...هلى لا تبعدوني عنة وقامت عهود وروان يرقصون لانهم يحبون هذي الاغنية
وكانت رهام معا جواهر جالسين
البنات فرحنين باقي ساعة وتنزف العروس جواهر حست بشوي دوخة وتعب وتذكرت انها مااخذت ابرة الانسولين ((مريضة بالسكر)) وقالت البنات عمها بتروح البيت وبتاخذ الابرة وبترجع بيتها قريب تروح وترجع بسرعة
السواق برا وطلعت جواهر قسم الاستقبال ولبست عبايتها وحجابها وتحجبت وكلمت السواق قال بيجي بعد دقيقتين طلعت برا تنتظر السواق انزلت اول درجة من السلم وهي دايخة كانت قدامها سيارة همر وكان في واحد جالس يشوفها منبهر بجمالها والشارع كان فاضي الساعة 1بالليل جواهر حشتها نوبة سكر انخفض السكر بجسمها الرجال انصدم شفيها طاحت ونزل من السيارة ومسكها
بدر وهو يطالعها مو عارف شنو يسوي:فيك شي !!
جواهر مو قادرة تتكلم وجها صار اصفر :فيننننننني ســـــــــــكر
بدر :فيك سكر ؟؟؟!!
وعلى طول تركها وراح يركض وطاح شماغة وعقالة على الارض وفتح باب السيارة وطلع عصير وراح عندها وشربها العصير
جواهر بدت روحها ترد لها بس مو قادرة تتحرك
ساعدها بدر ودخلها سيارتة ووعلى طول راح الطريق المستشفى
بعدين لما التفت عليها انصدم شلون اوديها المستشفى وهي لبسة ها الملابس والمكياج الخطير !!!!شنو بيقولون الناس عني ؟؟؟؟ بنص الليل بدرالعبد اللة بالمسشتفي ومعاة فضيحة !!!
ياربي وين اوديها مافي غير بيتي بس انا مااعرف المرض السكر اخاف يصير فيها غيبوبة سكر !!!!!!!! واللة توهقت
جواهر افتحت عيونها وطلعتة وبعيونها خوف: انت مين ؟؟
بدر :الحمد للة على سلامتك خوفتيني عليك
جواهر :انت مين !!وقامت تصارخ
بدر :قال لها كل شي
جواهر :وديني البيت لزم اخذ ابرة الانسولين
بدر :بيتكم وين؟
جواهر :قريب هناك واشرت لة
بدر :ووصلنا
جواهر :ادخل داخل البيت مااقدر امشي
بدر :وشلون ادخل
جواهر :انزل واضرب الجرس وقول 3070وبيفتحون لك البوابة
بدر استغرب :شمعنا 3070؟؟؟
جواهر :هذا رقم الطوارئ على طول يفتحون الباب بدون مايسئلون مين ؟؟
لما نزل بدر شافت جواهر وجهة وانصدمت كان مو حلو ملامحة مو متناسقة وفي جرح بخدة يخوف وكان طويل وتحت عيونة سواد مرعب !!!
جواهر لما شافت الجرح مرة ثانية ارتعبت شكلة مخيف اخاف بيقتلني او يختطفني ياليتني نزلت عند الباب ونزلت راسها وشافت سلاح !!!!!!!
مخها تلخبط سلاح وهمر وجرح على خدة الاخ ارهابي!!!!!
ودخل بدر السيارة وانفتحت البوابة
بدر اروح يمين او يسار
جواهر :لا وقف هنا
بدر استغرب لما التفت على جواهر شافها منصدمة وجها ابيض مثل الاشباح بدر اكيد شافت جرح وجهي لما نزلت
جواهر :شكرا وطلعت على طول وهي مرتعبة
بدر :عفوا
صحيح لحظة ممكن اعرف اسمك
جواهر :اسمى جواهر
بدر عشت الاسامي معك بدر العبداللة
وبعدها طلع بدر من البيت
وصعدت الغرفتها وارتاحت غيرت ملابسها واخذت ابرة السكر وصارت احسن واتصلت على البنات وقالت لهم ماراح اجي لاني تعبانة
واتصلت على السواق وقالت لة يرجع البيت
تذكرت بدر اول ماشفتة كانت ملامحة معقولة صحيح كانت السيارة ظلام بس في نور بسيط وصوتة حنون وددافي حتى سيارتة كانت ريحتها حلوة وباااااردة حسيت معاه بالامان بس شلون ماشفت الجرح وملامحة المخيفة لما نزل قلبي بغا يوقف حتى نظرات عيونة مرعبة والسلاح الي شفتة !!!!!!مخيف اسمة بدر الشاهين
ليش قالي اسمة اذا هو مجرم ؟؟؟يمكن مو اسمة !!!انا لزم انسا كل شي صار وصلت جواهر واستسلمت لنوم
في مكان ثاني وعلى الكورنيش بدر وقف سيارتة وهو سرحان
كانت مثل الملاك خيااااااااال عيونها وشفايفها كل شي فيها غير
حسيت فيها بالبداية كانت مرتبكة معاي لكن لما نزلت وشافت وجهي حسيت فيها تشنجت وخافت معها حق انا اخوف وين جمالها ورقتها جنب قبحي وتشوهي وجرحي المخيف الى كل عمليات التجميل الي سويتها مانفعت فية !!!!!!!آآآآآآآآآآه
وشغل سيارتة ورجع لبيتة وهو كئيب ومتضايق اتصل على اختة لمى :هلا بدر
بدر :هلا لمى ارجعي معا السواق لانا راسي يعورني
لمى :ليش بدر ؟؟راسك شفية اخذت دواك
بدر :أي اخذتة خلص انا بنام وارجعي معا السواق
لمى :طيب معا السلامة
رهام الملقوفة شافت البنت لى جنبها ظايق خلقها
رهام :شفيك
لمى التفتت وشافت وحدة مااتعرفها
لمى :نعم
رهام :شفيك زوجك ماراح يجيك
لمى استغربت لقفتها بس جوبت عادي :مو زوجي اخوي
رهام :عادي اوصلك معانا
لمى :لا بيجي السواق يااخذني
رهام :مدام عندكم سواق شتبين بخوك!!!!
لمى استغربت من منطقها :لاني مااحب ارجع بالليل معا السواق
رهام :امممممممممممممم مو مشكلة اذا تبين نتماشا معك بالسيارة الحد ماتوصلين البيت عادي
لمى ارتاحت :شكرا انا اسمي لمى العبداللة
رهام افتحت عيونهااااااااااا
انتي بنت العبداللة !!!!مو مبين عليك
لمى ضحكت :ليش يعني لزم يكتبون على وجهي بنت العبداللة
رهام :المفروض هههههههههه
وجلسو يضحكون
رهام :انا رهام بنت الفلان الفلاني
لمى :تشرفت
رهام اكيد ماراح تعرفيني انتي وين واحنا وين
رهام تعالي اعرفك على بنات عمي واختي
وراحت رهام وعرفتها على بنات عمها واختها وجلست لمى
معهم وحبتهم حبت عهود لانها شوي اثقل وحدة فيهم بس رهاااام مجنونة
وخلص العرس وطلعو البنات ووصلو لمى البيتها ونجنو على بيتها قصدي القصر الى عيشين فية هم صحيح اغنياء بس غناهم عادي
مو مثل لمى ابوها مليونير وعندة شركات حول العالم
وصلو البيت وشافو جواهر نايمة
ونزلو يكملون سهر تحت ويتونسون

تتوقعون شنو بيصير الخالد وريم ؟؟؟؟!! وطلال ورنا بيتزوجون ولا !!وجواهر والقصة الى صارت لها !!إذا شفت ردود حلوة بكمل