تابع الحلقه الحادي والعشرين
طلب فيصل من أمه أنه يجلس مع زوجته بغرفه منفصله ويوم درت حنين عصبت حيل
..وما قدرت الا أنها تخز ساره المسكينه بعيونها ..
من أول مادخل الصاله وهو مسلط عيونه على ريم ..وماشالها أبد منها ..وحتى وهو
يرقص يطالع فيها ..صح أنها كانت متنقبه وماتبان الا عيونها.بس برضوا عرفها من بد
البنات كلهم..
أخذ ورده بيضه من ورود الكوشه وأعطاها العنود
العنود\حبيببي والله...مشكور...
عمر\ومين قال أنها لك!!
العنود باستغراب\أجل لــ منوا!!؟
عمر\أحم..أنا سمعت أن ريم تحب الورد الأبيض ..عشان كذه كسرت خاطري
فقلت ماابي يكون في خاطرها هالورد أخاف تجيها عقده ونبتلش فيها ..أمممم العنود
أعطيها ريم ..وقولي لها عمر يسلم عليك....شاوا...
طلع عمر من الصاله وهو تارك مليون علامة أستفهام عند العنود..هي تدري أن عمر
يميل لــريم ..بس ماتوقعت من هالحركه الخطيره..
العنود\وليه ماأتوقع منه هالحركه !!؟؟؟؟مين ولد خاله!!!
......لافي أبو الورد ........
أم متعب\أقول حصه!!
أم حنين\سمي ياخاله!!
أم متعب\مين هالبنت اللي لابسه برتقالي!!
أم حنين\أي وحده!!
أ متعب\هذه اللي شعرها رافعته !!!
أم حنين\أيه تذكرت..هذه الله يسلمك بنت أم فيصل الكبيره!!
أم متعب\وش أسمها!!
ام حنين\أسمها ساره ..
أم متعب\أيه ساره ..ماشاء الله عليها ..شكل البنت هميمه وشقرديه الله يخليها
لأهلها..
أم متعب\مخطوبه!!
أم حنين\لا والله ياخالتي لحد اللحين الله ما رزقها بولد الحلال...
أم متعب \الله يرزقها أن شاء الله..
في الغرفه جالسه هي معه!!ولوحدهم!!تركوهم الأهل وسكروا عليهم
الباب عشان
ياخذون راحتهم في الكلام..لكن اللي صاير اللحين..ولا أحد منهم نطق
بكلمه
وحده!!كلن سارح وشارد فكره لبعيد....صايرين عكس المخطوبين الجدد
اللي
ساكتين عشان أنهم يستحون من بعض..ومش ماخذين على بعض
كثيير..أما هم غير
كثيير ..كل واحد منهم يفكر لبعيد وبالمستقبل بوجه خاص ...
يعني حنين تفكر ..كيف بتعيش مع هالفيصل وهي ماتعرف شخصيته الا طبايعه
السيئه تعرفها عدل...وكيف باسها على جبينها قدام الكل ...!!وكيف مسك أيدها
وهو مفتخر بهالشيء وواثق كثيير ..!!وحتى اذا كلمه مايكلمها الا وهو قريب من
أذنها..!!
كل هالأشياء كانت تدور في بال حنين وهي متناسيه وجود فيصل يمها...وقريب
منها...
أما فيصل يفكر..شلون هالمخلوقه غيرته بلحظه وحده بس...وين اللي يقول بوريها
الويل وبخليها تندم على أنها أرفضتني مبدئيا..وين اللي يقول مش معطيها وجه واذا
دخلت بدخل غصب وعناد فيها..وبحرجها قدام الكل وبكشر في وجهها ..!!؟ طلع
العكس تماما من أول مادخل وهو يوزع أبتسامات مايدري ليه!!يمكن من الدهشه!!أو
يمكن لأنه أول مره يخوض هالتجربه.....أو يمكن من الفرحه ..وشكله هذا الجواب
المقنع..لكن مستحيل غرور فيصل اللي بداخله يعترف بهالشيء..لأن كبريائه
مايسمحله..
وأخيرا فيصل أوتعى من السرحان اللي صاير مصاحبه بهاليوم ...
فيصل\بنظل كثيير ساكتين..!!!
طبعا حنين مش راده عليه لأنها منقهره منه....وشوي منحرجه..
فيصل\طيب...حتى كلمة مبروك ماقلتيها لي!!
أيضا حنين ساكته ومنزله عيونها...
فيصل\أوكي....أمممم ممكن أقول شيء!!
حنين(كل هذا وماقلت شيء يافيصل)
فيصل\معنى سكوتك أنك راضيه..صح!!!
وأخيرا تكلمت حنين وقالت كلمه وحده...
حنين وهي رافعه عيونها\عــادي
(لالالالالالالا حرام عليك ياحنين ..انا ماأقدر ...تكلمت ..وفي نفس الوقت تناظرين
فيني..الله يخليك .تراني ماأقدر على هالشيء)
فيصل\أحم ....يعني أقول....
أكتفت حنين بهز راسها بعلامة الموافقه...
فيصل\....................الصراحه ماأتووقعت أبدا أن شكلك كذه!!
عقدت حنين حواجبها بمعنى أنها مافهمت اللي يبي يقوله...
فيصل بصوت واطي\............صورتك .... شخصيتك...شكلك....
روحك...كلك..جمالــك....طاغي ...طاغي حييييييل ...يابنت العم....
دخلت ساره بهاللحظه لأن حست أنا فيصل مصخها بالقعده والكل يتحرى حنين
تطلع...لأنهم خايفيين عليها كثيير ...لكنهم مايدرون أن حنين أقواهم كلهم....
ساره\يالله ياأخ فيصل أتأخرنا..والساعه وحده..
أكيد بتتوقعون أن فيصل بيعصب من تدخل ساره المفاجأ !!!لكن العكس صار...
حس فيصل أن ساره دخلت بالوقت المناسب..لأن اللي عنده ..والل يبي يقوله قاله...
أما معرفته بردة فعل حنين ..مش مستعجل عليها!! لأن الأيام اللي جايه بتوضح
هالغموض أكثر وأكثر... وعنده كل الوقت عشان يعرف شخصية هالآدميه اللي
أقتحمت حياته...بدون سابق أنذار...
فيصل\يالله....
قرب فيصل من حنين ..ومسك يدها وظغط عليها لأن حس أنا سرحت وقالها (في
حفظ الله)...أما حنين كانت زي المتخدره والمتصنمه في مكانها ...ويوم شافت أن
فيصل قرب ماأبتعدت ..ظلت جالسه..تطالع فيه...
طلع فيصل من الغرفه..ولحد الآن حنين مش حاسه بشيء..لأن فكرها مش معها..
هي فعلا حست أنه مسك أيدها وظغط عليها وقالها شيء..وطلع من الغرفه...لكن في
نفس الوقت تحس أنه ماطلع..جالس معها... قبالها... قريب منها..موجود هنا.....
يتبع ,,,
أحساس