تعالي معاي ..وبشويه أفكار نرتب أغراضك مع بعض ..
طبعا الأغراض تروح لبيت العروس قبل الزواج بأيام قليلة..
يعني من خمسة إلى ثلاثة أيام عادة ..
وفي بعض العائلات يسوها كإحتفال يجتمع اخوات العروسه وخالاتها وعماتها ..
وينقلوا الجهاز لبيت الزوجيه ويستقبلهم هناك اهل العريس..
لذا لازم كل شئ يكون مميز لان كل شئ بيكون تحت الانظار .. وبعضهم يمشونها عادي ..
00000000000000
00000000000000
اولا : -
نروح محل الكلف نشتري شوية ورود وشرايط وأكياس الأورجنزا الجاهزة بعدة أحجام ..
.. شموع وعلب وسلال .. وورود مجففة..
(بطاقات أشرطة وتجاليد بنوعين الفاخر والعادي )..
ولا ترمي أي شيء من العلب اللي تشترين أغراضك فيهاااا ..
(1) سجاجيد الصلاه : -
نشتري سجادة صلاة وشرشفها .. بلونين متناسقين ..
او تشتري اطقم سجاده الصلاه وشرشفها .. بالنسبه للشرشف اللي تستخدميه
جمعه مع السجاده .. وممكن كتاب الأذكار مع المسواك .. ونجمعهم كلهم في علبة ..
ونغلف العلبة بالتجليد الفاخر لأنه بيستخدم لفترة طويلة بإذن الله ..مثل الصورة التالية ..
بالنسبه لسجاجيد وشراشف الضيوف .. بامكانك وضعها في مثل هذه الصناديق ..
او اي من الصناديق المميزه الموجوده في الاسواق
(2) الملابس : -
ثاني شيء نروح للمحلات اللي فيها أدوات التخزين والعلاقات والعلب الخاصة
بالدواليب ونشتري طقم كامل .. باللون واحد حتى تكون مرتبه وحلوه
ونبدأ نعلق الملابس بأنواعها ..
ممكن نعلقها ومكن نطبقها او نغلفها بأكياس شفافة ..
عشان نحتفظ بترتيبها وريحتها المعطرة .. وهذي بأكياس الأورجنزا ..
وهذي بدون كيس ممكن تربطيها بشريطه فقط
للملابس الداخلية طبعا بيكون عندنا نوعين ..
النوع الفخم والأطقم ...والنوع العادي اليومي ..
النوع الفخم حطيه بأكياس أورجنزااا تزينيها بالشرائط والفيونكات
..أو أكياس خاصة يبيعونها
وترصيها في علب بلاستيك أو علب قماش من ايكيا
في محلات الملابس الداخلية .. شوفي معاااااااااااايا
وشوفي الأفكار
قمصان النوم : -
طبعا حلو تغليفهااا للإبتعاد عن أعين الفضوليين ..
ممكن نغلفها بكراتينها أو نحطها في كراتين قماش من ايكيا
وممكن بأكياس أورجنزا وممكن بأكياس خاصة نخيطها ..
وبامكانك غسلها بداخل الكيس علشان تحافظي على قمصان النوم رقيقه ..
وماتتشابك مع الغسيل ..
(3) العباءات ..
من نفس الأكياس السابقة .. نشتري كم كيس أسود متوسط الحجم ..
تراه متوفر في محلات الخياطة .. وممكن نزينها بالورود والكلف او أي شيء تحبينه .
.
ونحفظ فيها العبايات .. ونحطها كلها في صندوق ونزين الصندوق إذا حبيتوا
والآن نوزع أكياس الورود المجففة أو المعطره بروائح عطريه في كل مكااااااااان ..
يعني في ادراج الملابس الداخلية ..وأدراج التسريحة والحمااااااااام أعزكم الله ..
وخذوا الأنواع اللي تتعلق وعلقوها في علاقات الملابس وشوفوا هالأفكار من الأكياس ..
وهذا بين الملابس ..
وهذي توضع في أدراج التسريحه
(4) دواليب وعلب لحفظ المجوهرات .. ويوجد انواع اجمل وحجمها اكبر والوان مختلفه
(5) المكياج ..
طبعا أنا من النوع اللي احب يكون المكياج في شنط صغيرة مثل المقلمة ..
وسهلة النقل من الغرفة للحمام أو شنطة السفر حتى ..