09-02-2006, 07:47 PM
|
#1
|
|
بيانات اضافيه [
+
]
|
|
رقم العضوية : 350
|
|
تاريخ التسجيل : Jul 2006
|
|
أخر زيارة : 06-23-2007 (04:24 PM)
|
|
المشاركات :
52 [
+
] |
|
التقييم : 10
|
|
|
لوني المفضل : Cadetblue
|
|
الحب وجمهوره
جنوني يعتلي عرشك ويرسم في سمـاك صـورة
وياخذك من هواجيسك وتسكن في نـوى عيونـه
كأنه في صدى صرحـك طفـل ألعابـه منثـوره
وكأن الليـل ونجومـه تعانـق حبـه وتصونـه
وأنا يومن كتبـت الحـب كتبتـه لنـك قصـوره
وصار الشوق مـن حولـه يبنـي أول حصونـه
لقيتـه ياخـذك يمـي بحـر والمـوج بشعـوره
لجل تعرف بداياتـه وكيـف أصبحـت مجنونـه
وكيف اصبحتي في حبـه أساسـه وأول جـذوره
لأنـك تسكنـي دمـه ولونـك أصبـح بلـونـه
وعلى جبال الهوى اسمك نقشته وصرتي اسطوره
نحت اسمك على جبالي ونحتـي مـا بيمحونـه
لأنك في الهوى احساس تعدى الكون بحضـوره
وأنا مابي كـلام الغيـر وكلامـي مـا يقولونـه
وأنا بكبر وبعد بكبـر ولـو هالنـاس مقهـوره
لأني ما قبـل بغيـرك مدامـك قلبـي وشجونـه
وأنا راضي بتعذيبـك وأقـول يانفـس مجبـوره
وأنا اللي ما يكفيني قصيدي وانتـي مـن دونـه
لأن الشعر من دونـك كفـن وأبيـات مقبـوره
لبس ثوب الحداد أعوام وحرام الناس يزورونـه
تبيني أبتسم وأفـرح وأقـول النفـس مسـروره
وهمي يعتلي وجهـي وكثيـر النـاس يحكونـه
سألتك ليه فـي حبـي بنـات الكـون مذعـوره
وإذا شمسه تغيـب بيـوم شروقـه دوم يبغونـه
أنا ما كنت أبـي أصبـح غـرامٍ ينطفـي نـوره
وأنا في حبي لا يمكن أكـون الجـرح وطعونـه
جسد لو ما شكى كله من أغلى مـن سكـن دوره
أجل ليه المحـب يعشـق بنـار اللـي يحبونـه
تحملني إذا ثـارت حروفـي وفاضـت بحـوره
وصارت في مدى حبـي جبـل لا مـا يهدونـه
لأنك من بنى ساسه وغرس بحساسـه زهـوره
وإذا بقلوبهـم همـه أبيهـم بــس يجـرونـه
بعد هـذا أبـي منـك تكونـي بحبـي مغـروره
وتكونـي فـي بساتينـه ورود ٍ تزهـر بلونـه
وتكوني فجره وشمسـه وروح تعانـق طيـوره
وبحر يعزف على حبه قوافـي شعـر موزونـه
وأنا ذاك الغصن اللي عطش والمويـه بجـذوره
تعالي واسكني جذره وكونـي الـورد بغصونـه
أنا شعرك وأنا بحرك وموجـي فـاض بشعـوره
وأنا البركان في بعـدك وروحـي بـك مرهونـه
ولو ثـارت براكينـي تلاقـي حروفـي منثـوره
دخيـل الله مـن يتـرك قلـوب ٍ حيـل يغلونـه
ودخيل الله وبعد الله من اللـي يسكـن الصـوره
ودخيل الله من مثلك خفوقـي ونبضـه يطرونـه
وأنا ذاك الغصن اللي عطش والمويـه بجـذوره
تعالي واسكني جذره وكونـي الـورد بغصونـه
مدامك ساكنه شعـري وعشتـي دوم بسطـوره
وعشانك هالسما تذرف مطـر والدمـع بمزونـه
ولو تطلب نجوم الليل بقول لـك حيـل مقـدوره
كلامي يسبقه فعلي خضع لـه هالزمـن وكونـه
مثل ما تخضع حروفي علـى أوراقـي مجبـوره
مهـوب غـرور لكنـك بقيتـي كنـوز مكنونـه
وسطرتك بديواني وصرتـي حصـون معمـوره
وسنين الحب لك تشهـد بأنـك حبـي وفنونـه
ومهما غير التاريـخ سنيـن العمـر وشهـوره
بتبقى للزمـن تاريـخ وسيـرة حـب يروونـه
وإذا كان القصيد ورود فنتي الطيـب وعطـوره
أجل منهو ملك قلبي سجنـي وكنتـي مسجونـه
من الماضي الى الحاضر بقيتي لوحـه مشهـوره
لقيتك بعد مـا كنتـي وسـط هالدنيـا مدفونـه
قدرك وساقنـي يمـك مكـان وسطـه نافـوره
سهرنا لين أصبحنا فجـر يشـرق علـى هونـه
تباعدنـا ولكنـا بقيـنـا ذكــرى محـفـوره
ومن ذاك الزمن أسأل حبيبـي الحيـن وشلونـه
ومن ذاك الزمان للحين تركت الحـب وجمهـوره
ولكنـي كتبـت الحـب عشـان اللـي يحبونـه
طويله صح بس حلوه
hgpf ,[li,vi
hgpf ,[li,vi
|
|
|
|