لاتحبس الدمعه وهي ودها تطيح
يمكن تشيل من الكدر ما امتلابك
النفس عذرى لاكتمهاالهوى تصيح
وتشق جيب أنفاسها من عذابك
توك تجي تنثر على فراقناالشيح
خلاص فات الفوت وشهو لفابك
ياخي تعبت انثر خطاياك بالريح
وعن زلتك أصد بابي وبابك
أشرب كلامك لوغدا فيه تجريح
وأزعل حبيب النفس لوهو حكابك
وأشعل شموع أفراحنا والمصابيح
لو أنتثر شيبك رجع شبابك
تلميح جيت وجيتك دون تلميح
ودي تحس بلوعتي في غيابك
لكن حسافه بعتني دون تلويح
ودعتني ودفنتني في ترابك
تكفى أبي لفراقنا أي توضيح
عشان لامن جيت اطرق هلابك
والحين جيت وللخطا جبت تصحيح
ماظنتي عذرك يبرر غيابك
جابك علي درب الهوى دون تصريح
ويرجعك درب الهوى يوم جابك
حبك نثرته ياحبيبي مع الريح
يوم أنثرتني غيبتك في حرابك
ghjpfs hg]lui ,id ,]ih j'dp
ghjpfs hg]lui ,id ,]ih j'dp