نصيت لك من قاصي الدرب عاني
قصدي اسلي خاطري بموهجت العين
جيتك وشوقي للمشاهد دعاني
حتى القدم يركض لجل شوفت الزين
قالو توقع صرت للنفس جاني
قلت اعذروني ما بها قول بعدين
قالو تموت من اجلها قلت فاني
انا فــــدا شوفت هنوف المزايين
قالوسعد حال الهوا فيك باني
عقلك غدا واصبحت مثل المجانين
قلت اتركوني مابقلبي كفاني
فيني قهر وجروح تذبح ملايين
قالو توكل وانت حبك بياني
معاد في يديـــــنا نرد المحبين
ومشيت في دربي واسابق زماني
حتى وصلت وصاحت بقولت اهلين
ومن شفت زوله كل همي نساني
ومغيراردد جعلني فدوت العين
واخذت انا وياه حول الثواني
وفجا مشت مدر على الله على وين
سكت و الحيره تعم المكاني
واقول ياقلبي غدينا معافين
وزهمت في دمعي ولاكن عصاني
يقول لاتبكي لشوف المولين
ورجعت في دربي واعظ البناني
واقول شوفولي دوا يالمداوين
وش حيلتي لاصار خلي جفاني
وانا سعد مركض بدرب المقفين
خلاص خلوني مع الوقت اعاني
الين ربي ياخذ بروحي امين
لاكن رجا قولو لها في دفاني
تنثر على قبري بيدها من الطين
سعد العتيبي
rwd]i lkr,gi gahuv huvti 2 lkr,gi huvti
rwd]i lkr,gi gahuv huvti 2