الشوق يركض مع النبضات ليل ونهار
وطيوفها كنها تندّه واجي يمّها

واحتار لا شفتها واجلس كذا باختصار
اضيع في خدها مدري على فمّها

من لهفة انفاسها شبيت للحب نار
من رقة اطرافها مدري متى آضمها

أحيان افكّر ولا ادري كيف اباخذ قرار
وشلون ابعثر بعضها وارجع المّها

الريح تدخل مع الغصن الطري في شجار
مدري تبي هزّته والا تبي شمّها

بس الأكيد انّها تعني دنوّ الثمار
لا احمّرت اوجانها مدّت لها كمّها

فيها وفيها وفيها بس فيها وقار
يبين فالشفّه اليا قامت تزمّها

طفله صغيره وفيها عنجهيّة كبار
ومن جا يسولف بكلمه راح ما تمّها



من وهلة الحب الاولى لاخر اخر مسار
تهمّني بس مدري كاني آهمّها

هي تشغل القلب بالتفكير ليل ونهار
ياليتها بس تندهني واجي يمّها

'tgm wydvi

'tgm wydvi