يسلموو عبوود على الموضوع

::::::::::::::::::::::

خذني‏ معك من وين مارحت ويـاك
خذنـي بقلبـك دام قلبـي رهينـك

صعبه ترى لو شفت وشلون أبسلاك
لوطفت هالعالـم ترانـي سجينـك

عذبتنـي وأشقيـت روحٍ تمـنـاك
لو الهـوى ينطـق وربـي يدينـك

شاب الغلا ينزف على درب ذكـراك
رغم الجفـا لازال يرجـي حنينـك

دونك حياتي كلها ضيـق وإربـاك
الواقـع اللـي ماتمنـاه عيـنـك

مقدر على بعدك حشى كيف فرقـاك
هذي الحقيقـه خلهـا فـي يقينـك

كل المشاعر فـي غيابـك تحـراك
تصرخ عليك من الوله حيل وينـك؟

ادري تساومنـي بروعـة مزايـاك
وتدري أضيع ليـا بدالـي جبينـك



همك عذاب اللي نسى الناس لرضاك
وهمي أشوفك مهتني فـي سنينـك

لو تطلب سنين العمر مـن فدايـاك
سلمت لك عمـري براحـة يمينـك

منك أحتملت من الشقا فوق ماجاك
سميـت نفسـي بالمحبـه حزينـك

يكفي دخيلك حـس باللـي ترجـاك
لاعاش من هو يا حياتـي يهينـك

تعبت مالي بالهـوى غيـر دنيـاك
مديت لـك يمنـاي عطنـي يدينـك

أعاهـدك ببقـى عالحـب منسـاك
عهدن قطعته بيـن قلبـي وبينـك