منتدى دمعـــة ولـــه - عرض مشاركة واحدة

06-20-2011, 04:10 AM

خالد الفيصل*ياللي تعرفون

ياللي تعرفون الهوى لا تلومن
يلومني من لا درى ويش حالي
الحب يودع عاقل الناس مجنون
يودع كبير السن مثل العيال
واهل الكرم والجود لاجله يذلون
يشحذ عزيز النفس فيه الوصال
ان ساعد العشاق حظِ يسجّون
اسعد ليالي العمر هاك الليالي
وان عاكست سود الليالي يموتون
الحب غربال من اول وتالي

خالد الفيصل*مالوم

ما لوم قلبي لى انتفض عند طاريك
والعين تبكي شوفتك يا عناها
يا ليتني ماشد عن جال واديك
واشارك الخلاّن صافي هواها
اقعد معك واشوف زولك واحاكيك
واوّصل النفس الحزينه مناها
يا من حسدت ربوعك اللي حواليك
بالشوف يوم الله بقربك عطاها
اهواك انا واشتاق بالحيل واغليك
وارهي من اسبابك على العين ماها
مانيت والله يا هوى البالب ناسيك
مادام لي روح بوصلك هناها

خالد الفيصل*نوى القلب

نوى القلب نيه ما نواهالاحد غيرك
نوى القلب يمشي لك على السمع والطاعه
مع الشك والغيره وهجرك وتقصيرك
احبك واقول امرك له الروح خضّاعه
جمعنا طريق الحب وانور بتنويرك
على صدفه لقلوب الاحباب جمّاعه
ملكني هواك وقادني بأمر تدبيرك
امانه معك روحي من البعد ملتاعه
تغزلت بك والشعر من بعض تعبيرك
كلامك سحر يخلف موازين سمّاعه
تقول الغزل مني شغا كل تفكيرك
عسى واعسى والنفس بالزود طمّاعه

خالد الفيصل*من عذابي

من عذابي قلت لعيونك هلا
يا هلا بك يا عذابي يا هلا
ما يكفّي لوعتي بك من غلاك
رحت تبعد عن عيوني يا غلا
تحسب اني سالي مثلك وانا
في هواك الله حسيبك مبتلى
ما يسليني مكان ولا زمان
لا ولا غيرك حبيبِ لا ولا
قلبي الي ما يطيع لمن بغاه
من نظر عينك تعهّد بالولا
صار لك بالقلب مرباع ومصيف
يوم غيرك عن مرابيعه جلا
فيه لك مقيال عن حرّ الزمان
والدفا عن برد شمله بالخلا

خالد الفيصل*تغيب

بعيد الا من افكــاري قريب تغيب الا عن الـخافــق حبيبي
واروّح لك طواريـقي واجيب اهوجس بك واسولف مع طيوفك
وعطّرت النسايم منــك طيب على ليل الهوى رسـمت وجهك
يغيب العمر ما عنــي تغيب يحسبون المكـــان ابعدك عني
واشوفك فــي نوايبها طبيبي اشوفك في ســواد الليل ومضه
وصوتك فوق موجات المغيب ويجيني مع طلوع الشمس نورك
تلوعّنـــي ولا وديّ تطيب ولك بالقلـــب خفقه وانتفاضه
بعثت الحب في قلب خصيب أحبك يا هتون مــــن سحابه

خالد الفيصل*لو نسيت

صرخة ذابت من عــيونك دموع لو نسيت العمر ما انسى دمعتك
وانتفض قلبـــي لها بين الضلوع ترتعش مرتاعة فــي وجنتيك
بالخفا ثـــورة وبالظاهر خشوع ازعجت صمت الليالي عبرتك
مشهد النظــره وهي تظمي يروع تسكب الدمعه وتظمي نظرتك
ضاع معها خافــق مثلك جزوع يا ضياع العمر ضيعة بسمتك
والفرح يشــعل دياجيرك شموع ليت من يمتص جارح لحظتك

تحيااااااااااااااتي