صباحك فل وكادي يامدونتي بطاعة ورضا الرحمن بأذنه
ومعك يتجدد العطاء
وبك يحل النقاء
وبعيداً عما يجتال بالاعماق يكون المتنفس هنا
وهنا نتنفس شعراً يهيج عما يختلج بالنفس
لك ولصباحي تبتسم الحروف
وبالله تعقد حبال الامل
وهنا
تنطلق حروف الشعر
*
*
*
مرد الليالي ماتشاور على ماتريد
.............على ماكُتب تمشي ولاهي بندمانه
ومردك على ماهي تبي لو تمنى تحيد
.............مصيرك ولو ماراق ترضخ لميزانه
وعلى ماكتب رب الملا مابها تنديد
.............مقاديرنا نرضى بطيبه وخذلانه
ولو نسكب دموع التوجد ألم ونحيد
............ليال الزمن ماهي برحمه بشفقانه
تباتاخذ حقوقك وتعطي حقوق تزيد
............ماعن ماكتب لك درب ريه وضميانه
مصيرك لحكم الوقت خاضع بلاتحديد
.............رضيت او أبيت الحكم مثبت بصدقانه
يقوله مجرب ماسأل وش نقصك او زيد
..............تجارب عمر ماضي عطت علم باثمانه
وقنع والقناعه كنز لو مرها تنكيد
...............عسى الله يـبــدل مرها حـلو من شــانه
ولو مالقى فيها ملذه ولاهو اسعيد
...............ولكن على الله حط سرجه على حصانه
عسى في مكاتيب المقدر يجي توكيد
................تغير عــن الاســوء للاحســن بمضــمانه
نبي قبل ماتحط النصايب ويطوى القيد
...............يســجــل بتاريخ الحــياه اوسـع ابطانه