صيف كام سعودي كام شات غرور كام شات غزل كام شات الوله شات حبي شات صوتي
منتدى دمعـــة ولـــه - عرض مشاركة واحدة - "أَب ـصرَخ بِكل مآآفينَي..يآآدِنــِيــآ مآَتِهمِيني...~
عرض مشاركة واحدة
قديم 02-10-2011, 05:59 PM   #13


الصورة الرمزية دمعہ‘ٍِ’َـهہ رقيہ‘ٍِ’َـقه
دمعہ‘ٍِ’َـهہ رقيہ‘ٍِ’َـقه غير متواجد حالياً

بيانات اضافيه [ + ]
 رقم العضوية : 8957
 تاريخ التسجيل :  Jun 2010
 أخر زيارة : 11-24-2011 (06:50 PM)
 المشاركات : 1,071 [ + ]
 التقييم :  10
لوني المفضل : Cadetblue
افتراضي رد: "أَب ـصرَخ بِكل مآآفينَي..يآآدِنــِيــآ مآَتِهمِيني...~



كثير من البشر يسأل عن اسباب الحـزن فينـي
وكثير من البشر وده يعرف بدنيتـي وش صـار

وعلام اللي يقابلني يشوف الدمـع فـي عينـي
وانا توي صغير السن حزيـن وشـارد ومنهـار

انا بحكي بقول الحين عن اللي صار فـي سنينـي
ولكن قبل لا اتكلم ابيكم تحكمـو يـا اخيـار

تعالو واشهـدو يانـاس تعالـو طالعـو فينـي
تعالو شاهدوا جسمي غدى ناحل وعقلي طـار

انا مانـي تـرى مدمـن ولا ضاعـت ملايينـي
وربي يابشـر حالـي سبايـب وقتـي الغـدار

تعالو واسمعوا منـي وش اسبـاب الحـزن فينـي
وشنهي سبة دموعي وش اللـي بدنيتـي اسـرار

يتيمٍ ايه انـا عايـش يتيـم محـدٍ يراعينـي
ولحدٍ عني جاء يسـأل وحيـدٍ جالـسٍ بالـدار


يتيـمٍ مافـي بالعالـم رحـومٍ جـاء يواسينـي
يتيمٍ عايش بحسـره وضيقـه عيشتـي امـرار



يتيمٍ فـي نهـار العيـد محـد جانـي ينادينـي
يقول لي خذ حلاو العيد زمانٍ كنا فيـه صغـار

يتيمٍ صـاح ياموتـي رجيتـك رجـوه تجينـي
يومٍ استاذي قال بكره يجـون ابائكـم ياصغـار

شهادتكم تـرى بكـره وابوكـم لازم يجينـي
بسلمها انا بيده وشهـادة شكـر مـع ازهـار

وجاء بكره وجيت امشي ولحدٍ ماسـك ايدينـي
ومن أي طالب دخل ماسك بدين ابوه صرت اغار

وكنت الاول ولكـن دموعـي كانـت بعينـي
نزل دمعي وسط حفلٍ كبير وحاضرينـه كثـار

مقصر زادها الاستاذ مـا بـارك صـار يعزينـي
شهاده كانت بيدي احسهـا جمـرة مـن نـار

ترى هذا سبب واحد من اسباب الحـزن فينـي
يكفي يابشـر ولا اكمـل وافشـي الاسـرار

أبحكي عن سبب ثاني سبـب زاد الحـزن فينـي
حبيبٍ مـت فـي حبـه ولكنّـه طلـع غـدار

أنا رغم اليتم حبيـت عشقـت بكـل مافينـي

عشقت وكنت له وافي واذا اخطأ اجيب اعـذار

أنا حبيت لي شخـصٍ عشقتـه عشقـي لعينـي
وهو حبني واقسم لي بـرب المصحـف الجبـار

أنا صدقـت حلفانـه وهقيـت انـه بيغلينـي
ومثل ماني احبـه مـوت توقعتـه يجينـي بـار

ولكـن خيّـب ضنونـي توقعتـه بيحميـنـي
توقعته حبيبي يكـون ولكـن صاربـي غـدار

أثـاري كـان يتسلـى ووقتـه يضيعـه فينـي
وانا اللي أحّسبه يحبني واحسبه حاط لـي مقـدار

قطع في طعنته اخـر عـروق الفرحـه بسنينـي
وزاد الحزن فـي قلبـي وخلانـي اعيـش بنـار

خدعنـي ونيتـه ينهـي حياتـي وده ينهيـنـي
وعجزت اخذ بثاري منه حبيبي كيف اباخذ ثـار


ومع غـدره وطعناتـه غرامـه ساكـنٍ فينـي
ولا ظني انا بنساه لـو اتعالـج بوسـط شهـار

عرفتو يابشر هالحيـن ليـه الدمـع فـي عينـي
عذرتوني على جسمي عذرتو عقلي اللـي طـار

وامانـه يابشـر تكفـون اذا منكـم يلاقينـي
لايسألني وش الباقي من اللـي بدنيتـي اسـرار

لأني لو أنـا بحكـي جميـع اللـي أنـا فينـي
ياناس عقولكم والله بتلحق عقلـي اللـي طـار


 


رد مع اقتباس