تسأل؟!!!




خل السؤال وشوف واقع حياتي


شوف العذاب اللي بالاعماق علقّت




تقتل وتمشي في جنازات ذاتي


ولاشتقت لي تسأل بعد مانت روقت




وشلون تسال وانت بي جرح عاتي


قتلتني واقفيت والحين لي رقت؟!




مايكفي انه منك سبت مماتي؟!


وان الجروح اللي بالاعماق له سقت!




نسيت يوم اني بغفلة سباتي؟!


وانك لفيت تنَّبش جروح رافقّْت!




الحين قل وش غايتك من حياتي؟!


تبي اتسلى في عذابٍ بي الحقت؟!




ماتدري ان اسباب كامل شتاتي؟!


صدك عقب ماسبتني بك تعلقت!




تعال... علـقْ ! قول: برر احكاتي


يمكن لك اقبل عذر دامك توهقت




تقتل.. وتقفي.. ثم تاخذ .. وتاتي


حسبي عليك اني من اسبابك ارهقت






خمسة سنين الصبر بي جسر عاتي


واليوم صبري هده الصمت وافقت




دامك رجعت.. اقدم وجمع رفاتي


خذ البقايا.. وش تبي دامي انعقت؟!!




وارحل ولاشوفك تنادي غناتي


دمعه وطاحت من عيونك وفارقت