بسم الله الرحمن الرحيم
الشعر فن وموهبـة يأهـل العـرف
ماهوب علـمٍ بيـن الأسفـار خافـي
ما تملكه دعوى هل النحو والصـرف
الشعـر يضبـط بالـوزن والقوافـي
وش ينفع الأعراب والحال والظـرف
لا صار معنى البيت ماهـوب شافـي
الشعر ديوان العرب منهـلٍ صـرْف
عـذبٍ زلالٍ سلسبـيـل وصـافـي
نلوذ به من قاسي الوقـت والظـرف
ونغيث بـه أهـل القلـوب الهوافـي
ونمسح به العبرات عن حاجر الطرف
ونرفـى جـروح الأسـى والتجافـي
ونعاتب المجمـول ونداعـب التـرف
وناقف علـى حـدّ النقـا والعفافـي
وننصر به الأوطان والدين والعـرف
ونضرب به العدوان ضرب الرهافـي
لا من عطانا الله وسخر لنا الحـرف
حـرام نكتـم نعمـتـه لا تشـافـي
خلوا خدين الحرف يقطف على الزرف
ما لاق مـن ورد الفكـر والخوافـي
خلوه يغرف من نهر خاطره غـرف
واللي مضى يأهل العذاريـب كافـي
الشاعر الامير خالد بن سعود الكبير
hgauv tk ,l,ifm dHig hguvt hguvt dlig tk
hgauv tk ,l,ifm dHig hguvt dlig