اولاً : ابارك لكل هلالي فوزهم ببطولة كأس ولي العهد
وهارد لك لكل نصراوي وابارك للنصراويين عودة النصر
لمستواه المعهود والمنافسه بحيويه .
ثانياً: بالحقيقه تلقيت اكثر من رساله يطلبون قصيده بالمناسبه
ويسألون عن الشعر الرياضي.
هنا اقول اسمحوا لي بهالابيات:
*
*
*
الناس تنعى خسرة النصر للكاس
.................وتبارك بفوز الفريق الهلالي
وانا همومي بين نايم وجلاس
.................متوتره عندي على اقصى مجالي
ماني على الكوره وماصار حساس
...............من دونها همٍ طوى لي حبالي
اتصافقن بقعاء بلا ميد وقياس
..............دايم وهي تومي جنوب وشمالي
اشيل همٍ فج الاعماق والساس
...............رفيق دربٍ رفقته مازهالي
ابي منه فكه وهو شاف الاوناس
................يقول انا بيني وبينك مجالي
عندك مبيتي ماعليه من الناس
................كريم سبلا مزبنك قد صفالي
يالله دخليك عن بعيدات الارماس
.................هموم جوفٍ بالمحاني تشالي
اسعى ابي منها مخارج وحراس
................وخانوا بهال الحراس نص الليالي
اعطوا مجال لضيقة الصدر ولباس
................وتزينت بين الضلوع الخوالي
ثم ارتعت في مرتعً مابه اوناس
..................وعقب الوناسه جلته بارتحالي
وصكت بوجهي ضيقةٍ توجع الراس
.................والليل طال وقاسي الهم جالي
ماني بيم اللي تحرون ياناس
.................انا مطالب بالحقوق ومثالي
انقد لسلبيات البلد بعض الاجناس
..................ويضيق صدري من قصور المعالي
ونوب اتعهد عن عدم مس رواس
...................والى نسيت ايام ردت رحالي
ومثلي شقا همه مذوقه الاتعاس
.................غصب انتقد بعض القصور ان بدالي
ولانقد وانا ماملك دلايل ونبراس
..................الهرج من دون الادله هزالي
لو كان كم مره حصل لي تحساس
..................قالوا جنحت ولاتعود التعالي
حنا ترى يوجد طبقات بقياس
....................ثلاث واعرف بايهن لاتلالي
اشغلت صفحات الصحافه بلا ساس
.....................لازم نضحي واحذر الانتقالي
ولزمت صمتي بينهم خشية الباس
....................ووطيت راسي قلت ياهملالي
وانا اتحرى لين تبرد عن اقباس
....................لاني ضعيف الواسطه ماسعالي
قلت انتظر والى برد كل بلاس
.....................ارجع واذكر عاقلين الرجالي
يمكن يجي من ينتعش عقب الافلاس
.....................اللي بقا قبل اسود الوقت يالي
وذي قصتي مابين همي والاوجاس
.....................ياللي تقول النصر والا هلالي
وشمس الامل لو غيبت باقصى الارماس
................... بالله املنا تعود عقب الزوالي