وش عذر غيبات الشعر لابغيتيه
..................يقول : والله ماله العذر لله
قلت: اجل كيف تغيب والناس تبغيه
.................كم زاير جا لافيٍ في سجله
قال الشعر: انا ترى دونها آتيه
................والى احضرت غصب احضر دون مله
قلت اجل: طيّب خاطر اهل المشاريه
................طالبك من يارد هنا الحلق بله
قال: ابشر ابشر والضما راح ننهيه
................والكيف لاهل الكيف دايم نزله
وودعته امانه عسى الحمل يقويه
................قلت: ان لفتك ام الرموش المظله
كيّفْ لها بالشعر واغدق مساريه
...............ابدع لها بالقاف لاتقول لله
قال: اعتبر وصلت رسالتك ياهيه
...............والشعر للي يطلبه منك كله
القاف نرصد له بالابيات وارويه
................وضماه عندي منتهي من محله
قلت: ايه هذا اللي الى جيت اوصيه
...............يسدني لاغبت انا بأي عله
قال: ارتح انـته والوصيه نأديه
............حقك علينا صاحبك مايمله
وجيت اِطلِع واليا الوفا مكتسي فيه
.............لبيه ياللي كايد الامر حلّه
وهذي غلاته يوم ودي تسليه
............يالشعر انا طالبك لايضيق لله
اعطه ترى يهوى الشعر في خطاويه
...........وانا مناتي يسعد العمر كله
لايفقدن ولاتسائل خوافيه
...........خله سعيد بدنيته لايمله