مدخل :بــ إسم ثاني تناديني تقول المخطي لسانك ،
حسافه .. كيف ما قدّر
" لسانك "قلبي العاني ؟
تقول إنّه خطا منّك تذكّرت أكبر إخوانك !
وأنا إللي من كثر حُبي أنادي بـ إسمك إخواني !
.
.
خل نفترق تكفين ..وإحنا عزيزين
مدام قلبك صار ( قاسي و جاحد )
ماكنت لك [واحد] أساوي ملايين
وشلون خنتيني على شان [واحد]!
الحين .. وش بعد الخيانه و بعدين ؟
شفتك معاه بعيني واللــه شاهد !
و مدام (قلبك) قادر يحب شخصين
ماهي غريبه ..لو تحبين {واااجد} !
تقولين لي :راشد! بــ إسمي تغلطين
وتنادينه :أحمد ليه ؟هوإسمه : راشد !
مثلك يشوف الحُب لعبه وتخمين ،
ومثلي يحب ، وعنده الحُب خالد !
إنتي الوحيده وسط قلبي،وتدرين ..
ما فيه [غيرك] داخل القلب قاعد !
كتبت "أشعاري" لأنك :بـ تقرين
وإلا شعوري من هالأبيات زاهد !
يالله ، فمان اللــه ما أبي تردين
إنتي { خطايا } والخطا منّي - وارد
إنسانه حلوه صح .! بس،ما تحسين!
وطبيعي [قلبي] من-جروحك يباعد
صيري فمكاني وشوفي شنهو تسوين
ياللي في قلبك[شوق]الأحباب، بارد!
رايح أنا ..ولا تسأليني على وين .
منّي لك أقرَب صار"كوكب عطارد .!
.
.
مخرج :بعد لا تنطق بكلمه ولا تورّيني : [ برهانك ]
يا خوفي تغلط بــ إسمي وتزوّد ثورة أحزاني
أنا ملّيت أطوّف لك وأقول المخطي لسانك ..
بغيّر إسمي من : أحمد ، إلى : مجنونك الثاني.
.
منقول
lh tdi Fydv;D ]hog hgrgf rhu] ! ]hog Fydv;D
lh tdi Fydv;D ]hog hgrgf rhu] !