منتدى دمعـــة ولـــه - عرض مشاركة واحدة

10-23-2011, 10:15 PM

ايه احبك

ايه احبك واحلف اني فيك امـوت
ماسكن قلبي وعمّـر بـه سـواك

فرصـةً جاتـك ولاكـن لاتفـوت
اغتنمها عـاد يـوم الله عطـاك

من فعالي حدنـي كثـر الكبـوت
امتلت طاقات صبري من خطـاك

مانفعنـي شـي ويـاك السكـوت
غرك انه سالـبً عقلـي هـواك

الحليم اللي عن الزلـه صمـوت
مايعديهـا لـك الا مـن غــلاك

صدق احبك واحلف اني فيك اموت
بـس بيـدك لاتنـزل مستـواك
....

الا بزعل

الا بزعل .. اذا بتروح عن عيني وترحل
الا بزعل .. واتوه بعالمك .. وامشي ولا اوصل

وتاخذ احلى ضحكة في حياتي .. لا وتقول لي : ما ابغاك تزعل

من اللي قال لك اني ابقدر .. انا اقدر كل شي .. فراق مااقدر
تخليني مع الذكرى بروحي .. تعيشني على ما احلاك اول
عيوني انت والدنيا بعيني .. اذا بتغيب انا ما احتاج عيني
اذا كان التوسل لك يردك .. انا ما عندي مانع اتوسل

الا بزعل .. ياسيدي بزعل
.....

هذا حبيبي

هذا حبيبي حرت انا في ظروفه
تفداه روحي فدوةٍ ما لها قياس

لأجله يضيع العمر ما هو حسوفه
حيثه ربيع فؤاد ما خالجه يأس

اكتب حروفي بالهوا مع حروفه
و احلى قصيدي فيه للروح نوماس

ليته يطمن قلب يشكيه خوفه
حتى يعرف اني بشر دم و احساس

نفسي على حبه دوام عطوفه
سخرني له ربي على جملة الناس

انا اشهد ان الروح مهي مكلوفه
هو مالك قلب سكن فيه الاحساس
.......

تذاكر

قلوب الناس ماتطلب تذاكر .. تكفيها بعض الأحيان نظرة

خصوص ان طحت لك في طرف ماكر .. يصيدك بين سلهامه وسكره

فأوراق المحبة كالجواكر .. ويبشر من تحداهن بصفره

تلاقينا حبيبي وكنت فاكر .. خفوقي صعب مايندش بحره

وضعت بكونك ولاني بناكر .. ولاعندي على المكتوب فكرة

عقب توهتني في وعد باكر .. وخط الشوق عندي مد جسره

تناسى قاصد ولو كنت ذاكر .. واصبح لي بهالأسلوب خبرة

إذا وافيتني بكون شاكر .. وإذا مارمت تكفي منك نظرة

قلوب الناس ماتطلب تذاكر .. تكفيها بعض الأحيان نظرة

.......