منتدى دمعـــة ولـــه - عرض مشاركة واحدة

10-23-2011, 10:05 PM

يصد من الخجل

يصد من الخجل لحظة و أنا وقتي معاه لحظات

و على هالحال لا ناظرت يمه زاد صداتـــــــــه

حياوي كلما حطيت كفي في كفوفه مــــــــات

من الرهبة ولا أسمع من كلامه كود همساته

يجنني يلوعني إلي منه ضحك بسكــــــــــــات

و إلي منه رسم كل الغرام بضحكة شفاتـــــه

أحبه موت و أيامي بدونه ما بها لـــــــــــــــذات

أموت أموت و أحيا فيه و بشوفه و جياتــــــــه

أنا مالي رجا دونه و لو عشت الهوى حسـرات
ملك كل المشاعر جعلها فدوة لمرضاته
.......

اعتيازي

إعتيازي إعتيازي لك مهم
ياللي شوقي ياللي شوقي لك أهم
عيوني ولهانه تشوفك
بس مدري وش ظروفك
عسى منك ما أنحرم

طوّل الغيبه علي
و أنا أتحمل عذابه
اهوه عندي كل شي
مهما طوّل في غيابه
طول الغيبه علي
اهوه عندي كل شي
غالي عندي لو ظلم

لي ذكرت اللي مضى
قلبي دقاته تزيد
وقت تعدى و انقضى
خلنا نرجع من جديد
لي ذكرت اللي مضى
وقت تعدى و انقضى
عل جرحي يلتئم

تحديد المصير

قول لي ودك ولي ودك يصير
بس قلبي لا تحاول تجرحه
صعب للإنسان تحديد المصير
اترك الأيام وضعي تشرحه

يا عذاب الطرف لي أمسى سهير
من عطاك الحق قلبي تذبحه
انت غير وباقي الخلان غير
مستحيل الوقت حبك يمسحه

في غرامك حالتي حال الضرير
لي فقد شوفه وتمنى يلمحه
ساس ودك صاحبي بأقسى الضمير
شوف في فكر الخيال واسرحه

انت لي بالروح وأشواقي جدير
من غلاك احس روحي رايحه
يا دجى ليل الغرام المستنير
انصحك يا زين قلبك تنصحه

الهوى والعشق ما يبغي شوير
المحبه لي بقلبك راجحه
لا يغرك جاهل الحب الصغير
المحبه غير وحب المصلحه
قول لي ودك ولي ودك يصير
بس قلبي لا تحاول تجرحه

ويل قلبي

كل ما هبّت جِنوب
زاد شوقي له و عذّبني هواه
مع نسيم الليل قليبي يذوب
و يتعذب كل ما نسنس هواه

ويلي ويل قلبي

لي طرا لي حبيّبي بعد الغروب
راح تفكيري على وقتٍ نِعاه
من عذرني بالهوى ماهو إمغصوب
و من يلومه قلبي ما همّني رضاه

ويل قلبي ويل قلبي
عاذلي لا لا لا ما أتوب
كيف أبنساه غاية القلب و مناه
لو جميع الناس حطّت به عيوب
في عيوني زايدٍ والله غلاه

ويل قلبي ويل قلبي
ويل قلبي
كل ما هبّت جنوب
زاد شوقي له و عذّبني هواه
مع نسيم الليل قليبي يذوب
و يتعذب كل ما نسنس هواه
ويل قلبي ويل قلبي
......