بيانات اضافيه [ + ]

رقم العضوية : 9206  تاريخ التسجيل :  Nov 2010  أخر زيارة : 04-14-2012 (11:03 PM)  المشاركات : 16,089 [ + ]  التقييم :  10  الدولهـ  الجنس ~  MMS ~

لوني المفضل : Black

اللي بقى لي مع الأيام / وفٌيته
والضيق لو ينهمر تشربه ودياني

ماهي كبيرهـ علي والحزن غنّيـته
ولاهي غريبه اذا وقتي تحداني

كم جرح خذته من الاحباب / ضميته
وجروح قلبي زكاهـ لحب خلاني

مطعون / عادي جفا الاقارب داويته
تعبان / حدي ردي هالحظ خاواني
صدمه / بسيطه هوان الحال مريته
مقرود / أدري واذا حرمان عداني

مافاح هم لك والله ما تقهويته
و مامر حزن بغيري ما تبلاني

ياما وياما من الخذلان / عديته
إلا بصاحب .. بعد العشرهـ تناساني

ازريت لأنسى غيابه لين ناديته
والموت لامن تجاهلني وجافاني

وينه يجيني / وكل عتاب كنيته
ياليت يدري بعد فرقاهـ وش جاني

من كنت طفل وانا أرجاهـ في بيته
شيبت / واثرهـ على هالحال خلاني

حتى جناح العتب لرضاهـ ذليته
ماطرت بعدهـ فرح من ذل جنحاني

ياقلب صبرك .. ترى كل شي سويته
ماكان افضل من اللي كان بإمكاني

لو بي قوهـ على الهجران خليته
لوبي ذرهـ من النكران يفداني