منتدى دمعـــة ولـــه - عرض مشاركة واحدة

10-16-2011, 06:39 PM

بايــــن عليــــك

باين عليك اليوم زعلان مني *** حبيب قلبي قلي وشفيك زعلان

لا يكون أحد جاك وحكى شي عني *** غلطان لو صدقت والله غلطان

مفروض ما تسمح لحد يتهمني *** تعرف غلاك وتعرف القلب ما خان

أنا من أول يوم شفتك وكني *** غريب لقاله وطن بين الأوطان

لا ينشغل بالك حبيبي لا ني *** ولهان في غيابك وإذا جيت ولهان

لو أخسر العالم أبفرح وأغني *** رابح أنا بحبك لو كنت خسران

أنت الوحيد الي بحبه شغلني *** عجزت توفيك القصايد والألحان

ما شوف أنا غيرك و حبك سكني *** ما كن في الدنيا ابد غيرك إنسان

تحـــــــب نفســــــــك

تحب نفسك ليه تقسى عليا أعيش أنا أهواك وأنت تكابر*** أنا اقدملك حياتي هديه وأنت تقدملي جروحك وصابر

أن جيت أعاتب قلت صبرك شويه وأنت تدري أن للصبر أخر *** لا ني أشوف يديك تلمس أيديه أن غبت عني يوم ما ني بقادر

وأن كان تبقى نعيش عيشه هنيه بادل فؤادي يا حبيبي المشاعر *** وأن كان في قلبك فيه ليه وليه كلن مع قلبه في دربه يهاجر

تحــــــــــمـــــــــلتـــــك

تحملتك بما فيه الكفاية ولا ظني أبتحملك ثاني *** أنا أتعبني تقصيرك معايا حسافه ما توقعتك أناني

أنا واضح معك من البداية أحسب أن الزمن على الكيف جاني *** جروحك للأسف جت من وراي الحظ إلي رفعك لك رماني

أنا أدري وكل شي له نهاية وأنا وأنتا بشر والعمر فاني *** مدامك ما تبي قربي وهوايا حرام يضيع في قربك حناني

أبعرف بس وش ذنبي وخطايا وأبي اعرف ليش تخليني أعاني *** وبكره أنتا تجي تدور رضايا ولكن ما بقى منهو ما بقاني

تشكي وانا اشكي

تشكي وأنا أشكي وكل منا له ظروف *** تقول بي هم وأنا أقول بي هم

لا نبره تاصل ولا ناظري يشوف *** محروم أنا منها وهي غصبت أحرام

تعصف بنا الدنيا ونصمد لها وقوف *** نموت ويبقى حبنا لا يتهدم

حب تعلى فوق ميثاق وحلوف *** لو طاح ما ظن الزمن يتبسم

يا بنت أنا وأنتي والأحزان والخوف *** صرنا رفاقه كلنا بدرب أعتم

درب جمعنا كله رماح وسيوف *** وأبله علينا لو مشينا ترسم

تشكي وأنا أشكي والصبر يشعل الجوف *** فينا عظيم الشوق والوجد أعظم

لو كان للهموم الهوى شفاه وحروف *** كان الحشا من زود همه تكلم