قربينـي لا بغيتـي وأبعدينـي لا بغيتـي
المهم قلبـي طلبتك..أبعـدي لا تقربينـه
إن رضيتي ياحلاتك وإن زعلتي مارضيتي
المصيبه لا زعلتـي كـل شـيٍ تذبحينـه
والله إنك لو دريتي.. حتى لو منتي دريتي
كنت أفكر لا زعلتي وشهو اللـي تبتغينـه
كنت أفكر يا حياتي .. يابعد حيي وميتـي
لا زعلتي وشهو اللي في حياتك ترتجينـه
المصيبه لا فهمتك والحقيقه مـا حكيتـي
قمت أشكّك في فؤادي يا تبينه .. ما تبينه
ياعذابي لا غديتي والمصيبـه لا غديتـي
بين تهميش العروق وبين نبراتٍ حزينـه
ليت والله ذي حقيقه!!.. كان والله ليت ليتي
ليت قلبي لا زعلتي مـا يحـن لغابطينـه
أعترفت إني أحبك وأعترفتـي لا حييتـي
دام قلبي فدوةٍ لك.. كيف منك تجرحينـه؟
المصيبه لا تركتـك والمصيبـه لا بكيتـي
منهو اللي لا بكيتي .. تحقل الدمعه بعينه؟
دمعتي لا من تركتك ماتـردّك لـو بغيتـي
دمعتي دمعه وحيده..لا أنزلت دمعه رزينه
تنزل الدمعه بعيني وأنتي بالدمعه رأيتـي
شاعرٍ هاضت شجونه والشعر قبل جبينـه
أعترفلك ألف مرّه يوطي اللـي لا وطيتـي
أعترفلك مـا يبيـع وعاذلينـك شارينـه
دامني بدمعه وحيده وأنتي فيني ماوفيتـي
أبعدي عنّي طلبتك وأرحلـي يالياسمينـه
للشاعر الكبير .. جار الله الشدي
:: dhfu] pdd ,ldjd
:: dhfu] pdd ,ldjd d]d