جابتس الشوق والا جابتس الخوف ليّْه
من بعد غيبتك عامين لي ايش جابك؟!



جاوبي لاتخافين الأمور الخفيّْه
كيف جيتي بعد ماروحت بك اركابك؟!





ويش حدك على هجران ناس وفيّه؟!
وايش اعادك بعد ماطاب قلبٍ شقابك؟



ليه جددتي جروحٍ بالأعماق حيّه؟!
ماتخافين اجازي صدكي وآعثابك؟!!



آآآه لولا الغلا اللي فاتحٍ لي قضيه..!
والله اني لاتررّخ في خفاكي صوابك..!



لكن الحب الأعمى تســن مافيه زيّه..!
كل ماقول ودي قال لي صك بابك..!



اخس ياقلب مشْتغلْ بخفاه الحميه..!
مانت قادر تثارا ولاتبا تصك بابك..!



ابك والله لو ربعك تعرف الدعيّه..!
ماتسلم عليك وبموقفك ماتهابك..!



مير خل الوفا والله يخْلِفْ عليّه..!
جيت والا رحلت القلب ماهو كتابك..!



كان تبغى الحقايق رد نفس الهديه..!
قلبي اللي خذيته رجعه من جنابك..!



ذا الحقيقه ولاني بالمشاوير عيّه
جرح قلبي تريه اثمن لدي من شبابك..!



عمري اللي مضى كنت ارتجي منك جيه ؟!!
لكن الحين مابغى الا .. يفارق سحابك..!