بيانات اضافيه [ + ]

رقم العضوية : 9206  تاريخ التسجيل :  Nov 2010  أخر زيارة : 04-14-2012 (11:03 PM)  المشاركات : 16,089 [ + ]  التقييم :  10  الدولهـ  الجنس ~  MMS ~

لوني المفضل : Black

اليّمْ يلفظ لوهو القرش لامات
كبر السمك ماطاح في قاع يمه


وانا تري مثل البحر لي كرامات
ونفسي رفيعه عن امور المذمه


لياشفت مالايجوز ادلى بصدات
عن الطمان ابحث عن اعلاة قمه


واللي تحت ماطا اقدمه حط نظرات
قولوا له ان الجدي ماحد يذمه


الجدي متعلي عن ادنى المسيئات
ورمي الحجر يرجع على من يلمه




واللي يدور له غزو بالمدارات
يبطي وهو يمشي على غير يمه


ومسكين من يخسر لجل بعض نزوات
اهدافه بنفسه رديٍ ملمه


اول له بقلب البشر قدر واثبات
واليوم نظرتهم له اشبه بغمه


كانوا يعدونه مع الطيب لاجات
تصنيف قوم لناطحين المطمه


والحين بيّن وقتنا كل وقفات
وتر كل إنا ينضح بمافيه جمه


واللي وطا جمره تجي فيه كويات
وسوء النوايا يبين بالوقت سمه


والوقت هذا به كثار الشبيهات
متشابهات اسوا النوايا المرمه


بس نترفع عن طمان الدناءات
والصدر ماســـوء الردى فيه ضمه


والحر من كبد السما يجيب صيدات
ولايطب للجيفه ولايلد يمه


مضرب مثل وقتن به كبار غزوات
وجحافل اصناف الزمن مدلهمه

واهل الهوى فيهم من الحب حسرات
كلٍ يحس انه ردا الحظ عمه


وشمس الامل تشرق لها شوي وتبات
رمز الجروح تشوف بالوجه غمه


قامت تكابدهم كبار السعيرات
حرايق بخاف الضماير تشمه


وحنا اتقلبنا الليال الرديات
وقتٍ وطانا واسود الليل خمه


وحظك الى منه كثر فيه ميلات
اقرا عليه الفاتحه ثم دمِّه


لاترتجي حظٍ على هجعته بات
واسعى لرزق الله ولاتلد يمه