يااغلى عذابٍ في خفوقي سكن تو
خذ راحتك في غاية الانبساطي
معاك مفتاح الضماير وخذ جو
ادخل على كيفك بليا ارتباطي
بين الضلوع العوج خذ راحتك لو
شفت الضلوع العوج لها اشتياطي
ارتح تجول انت لاعماقي الضو
شمعة أمل قلبٍ به الهم ساطي
ولاجيت لك مشتاق لاتقول(مس يو)
برد على كبدٍ لشوفك تعاطي
وان طالت الغيبات بي مخطر السو
يقضي على قلبٍ غدا شبه ماطي
ارحم ترا قلب المعنى غدا اجذو
ومن قل وصلك صاب قلبي احباطي
ربعي تعاتبني لو ابيح بك لو
في سلمنا ممنوع كشف المغاطي
وانا معك قلبي غدا مابه اهدو
بركان ثاير ثورةٍ بانحطاطي
ياجامعٍ بين الحلا والادب سو
معروف بقلوبٍ سهرها شواطي
ريح مريضك خله يعيش بسمو
وعقب الشقا يعيش عيش انبساطي
اخاف باكر يصبح بقلبي اشقو
واصير بين الناس مثل السماطي
وحالي عقب ماهي بها الحسن يعلو
اصبح طريح ولاتشيلن مواطي
ياللي بوصلك يرتوي ضامي النو
اسق الفياض الممحلات الشواطي
قبل الخفوق اللي سلبته بلا قو
يصبح صريع ولايفيد اغتباطي
ترى البشر الـ بعضها دايم احيو
لاتصير سبة موت للقلب ناطي