جتني بعد غيبه وانا غير دنقت
ودموعها بين المحاجر نديه
*
*
وسألتها كني لها ماتشوقت
وش ذا الدموع اللي بعينك عصيه؟!
*
*
قالت دموع الحزن من يوم فارقت
مافارقت عيني ولوهو شويه!
*
*
تبكين؟!000لا000ذوقي معي نفس ماذقت
الكاس واحد والمراره قويه!
*
*
انتي اساساً غرك اخلاصي وفقت
معاك بالاخلاص ناسٍ وفيه
*
*
والحين روحي دام شرقت شرقت
ماترجع النفس الابيه00 أبيه!
*
*
عامين من جرحي بحبك تحرقت
كم ليلتن عدت ورى ذي ذيه
*
*
وكم ليلةٍ فاتت وانابه ماطرقت
السهر حاديني بروحٍ شقيه
*
*
وكم ليلةٍ كبدي بها المر ذوقت
ترتاح لازدت الاذيه اذيه
*
*
الحين لو بوح المشاعر لها سقت
نفسي ماهي عن روم عزه رديه
*
*
من قال لك ياذاك ترجع بعد رقت
فاتك قطار العمر حسنه وسيه
*
*
الجرح لو في خافي الذات برقت
يبقى اللهب يكويه كيه وكيه
*
*
يعيد ذكرى يوم لعبتك صدقت
تقص واصدق بنفسٍ بريه
*
*
اشرب هماج الما ولك العذب قربت
من شان ماتحتاج ناسٍ دنيه
*
*
اثريك بايعني وانا فيك مابعت
فاديك في ماملك مادور جزيه
*
*
والحين غادر لاتعذر ترى طبت
اجروح قلبي ماتبا منك شيه!
*
*
احسن وفا تسويه لاماتقربت
قلبي عزا وش له تنقض اخفيه؟!
*
*
خلك بعيد ولاتنقض لماجبت
حبٍ لفابك معك شيله هديه
*
*
انا ماعاد الشوق عندي لك اذهبت
حملت جرحي وانتحلت الهويه
*
*
في ضاهري انشط بشر عام عذبت
وخفاي تدريبه لاتبديه ليه
*
*
انا حليم احلم من السبت للسبت
لاشك ماتبع من يخلي خويه
*
*