لا ياسحاب الصيف لاتكون قاسي
عوايدك لين وتمطر على الناس


وسحاب صيفي دوخ اليوم راسي
مابه مطر ماغير بردٍ ونسناس


اثلج على صدري وكامل حواسي
الناس عرقانه وانا البرد لباس


باسباب من عني بعيد المراسي
شد الرحال ولاذكر لي عساس


علمي به اقفى ياعسى ماهو ناسي
وعوايده يسأل كما تسأل الناس




اغليه ولايدري بمابي مآسي
يوم ان رحل ولاتقل عنده احس



ليته درا يمكن لقلبي يواسي
والا يخفف من عنا البعد والباس


هو عمري الباقي وهو نفس ساسي
ونفس بلا ساسٍ على الارض تنداس



*


*


*