متعودة نوف دايم تلقى مسج منه بجوالها وهي دايم ترسل مسج تصبح فيه عليه هذاك اليوم ما في شي دقت عليه وهي با لمحاضره كان عندها محاضرة شبكه وكانت طفشانه دقت عليه وكلمته شوي إلا تدخل المراقبة وقالت له:كبسه باي
ضحك هو وقال:باي,,,,أرسلت له مسج تقول فيه :اف يا ربي طفشت المحاظره تطفش أنت وينك وايس قاعد تسوي...
أرسل لها كول مي ودقت عليه
نوف:الو
طلال: هلا وغلا
نوف: وينك؟؟؟ شكلك بالسيارة صح؟؟
طلال:أي والله طالع البنك رصيدي مجمد بروح أشوف و ش السالفة
و أنتي ليش طفشانه؟؟
نوف:لأني حاضره محاظره مع بزران يحومون الكبد
طلال:ليش ما تسولفين مع أي وحده منهم
نوف:أقولك بزران ما ينعطون وجه
طلال:طيب خلك با لمحاظره وانتبهي لها أحسن لك وخلصي دراسة ترى مابي تسقطين ومابي أي شي من إلي مخطط له يتأخر
نوف:أي هين تبيني انجح أنا ووجهي أقول باي
طلال: يضحك,,,طيب اوكي باي
بعد هذا الاتصال غاب طلال فتره عن نوف بعد يومين دقت عليه
نوف:الو
الي على الخط ساكت
نوف: الو؟؟
وحده ردت عليها:نعم؟؟
نوف:انصدمت لما سمعت الصوت الو؟؟هذا جوال منو؟؟
الي على الخط:انتي من تبين؟؟
نوف:هذا جوال هنوف؟؟
الي على الخط:متاكده تبين هنوف؟؟؟
نوف:أي هذا جوال هنوف؟؟
الي على الخط:يعني ماتبين رجال؟؟
نوف:لا شكلي غلطانه باي
قفلت الخط مستغربه من الي صار قبل شوي شكت بالموضوع وتذكرت الي صار قبل فتره وتذكرت ان الصوت الي سمعته قبل شوي نفس الصوت الي رد عليها ذيك المره واستمرت نوف تدق على رقم طلال يوم كامل ثاني يوم الصبح قبل تروح الجامعه دقت وردت عليها المره قفلت نوف وارسلت مسج "انتي منو؟؟وليش انتي تردين على الجوال صاحب الجوال وينه؟؟"
ارسلت المسج على جوال طلال وعلى طول جاها كول مي دقت نوف ....
نوف:الو
الي على الخط:نعم؟؟
نوف:انتي مين؟؟
الي على الخط:انتي من تبغين؟؟؟
نوف:ابغي صاحب الجوال وينه؟؟
إلي على الخط:مين صاحبه الي تبغينه؟؟وأنتي مين عشان تسألين عنه؟؟
نوف:مالك دخل هو وينه؟؟
إلي على الخط:قولي انتي مين وايش تبغين فيه وأنا أقولك كل السالفة لأني أشوفك قلقانه من أمس وأنتي تدقين
نوف: ابغى طلال اوكي!!مب هذا جواله؟؟
الي على الخط:أي جوال طلال يعني تبينه؟؟وش تبين فيه؟؟
نوف: أنا سألتك بالأول طلال وينه وليش أنتي إلي تردين على جواله؟؟
إلي على الخط:اسمعي طلال يعرف بنات كثااااار ومزعجاته حيييل والي يمل منها يحول مكالماتها على رقمي عشان اصرفها
نوف:طيب الحين عرفت يلا باي
إلي على الخط:تعالي ما قلتي أنتي مين؟؟
نوف:باي
إلي على الخط:أنتي مشاعل؟؟
نوف:وقف قلبها لان هذا اسمها بالنت مشاعل خافت انه صدق الكلام إلي تقوله المره ,,,لا مب مشاعل
إلي على الخط:إلا مشاعل
نوف:خلاص أنا عرفت إلي أبيه والحين باي
إلي على الخط:لحضه
نوف:باي وطلال اذا بغيته اعرف شلون أجيبه
إلي على الخط:شلون؟؟؟
نوف:مالك دخل عندي طرق مب مهم تعرفينها يلا باي
وقفلت نوف منها الخط وأرسلت مسج تقول فيه"أنا مب مشاعل وطلال اذا بغيته اعرف وشلون أجيبه فاهمتني",,,,حست نوف إن المسجات تروح لطلال مب لها وأرسلت مسج بعده عشان تقهرها وترفع ضغطها إذا هي إلي تشوف المسجات أو عشان ترفع ضغط طلال إذا هو إلي يقرا المسجات يعني تضرب عصفورين بحجر واحد,,,,قبل ما تطلع نوف للجامعة أرسلت مسج لرقم طلال قالت كلمة فيه"قولي لطلال مشالله عليه رجال,,أصلا خسارة...................والرجال عيب يحتمي بظهر مره وبلغيه إني أرسلت له ايميل خليه يقراه"
وصلها كول مي من رقم طلال,,ردت عليه مسج:إلي عنده كلام ويبغى يقوله يسدد فاتورته ويواجهني,,,,
لأنها تعرف إن طلال فاتورته صدرت ورصيده مجمد لما جى يسددها ,,, وصلت نوف للجامعة وأرسلت بعده مسج تقول فيه"الحين معقولة طلال عنده فلوس يدفع لك عشان تصرفين البنات له و ما عنده فلوس يسدد فاتورته؟؟
أرسلت ألمسج وراحت محاضرتها وهي بالمحاظره دق عليها رقم غريب ما ردت وبعده وصلها مسج من رقم غريب مكتوب فيه"نوف أنا طلال لا تدقين على رقمي الثاني ولاتدقين على الرقم هذا لانه رقم خويي وانا بعدين اقولك السالفه كلها" ردت عليه مسج على نفس الرقم الغريب"ما يحتاج تقول شي السالفة واضحة يا طلال"
راح ألمسج وهي ترسل ألمسج نزلت دمعتها على الجوال و حست قلبها بيوقف لأنه معنى ألمسج إلي أرسلته كنها تقول له إلي بينا انتهى ,,,بينها وبين نفسها مره تقول أخاف يصدق إلي بالمسج ومره تقول إيه خليه أحسن درس ما ينساه ويتعلم منه .
ضلت بعده ثلاث أيام ما دقت عليه ولا أرسلت مسج ولا هو أرسل أو دق عليها... دقت عليه في يوم قالتله:
نوف:الو
طلال:هلا
نوف:طلال وش السالفه وشنو الي صار
طلال:اقولك بعدين
نوف:لا الحين تقولي وبسرعه
طلال:انا الحين بالدوام ماقدر اقولك
نوف:الحين الحين و بسرعة تقول لي
طلال:ماقدر اقولك انا بالدوام والمكتب زحمه بس الي اقدر اقوله لك ان الي صار كله من امي والي ردت عليك هي امي
نوف:امك؟؟طيب الحين تقولي كل شي
طلال:ماقدر يانوف بس راح ارسل لك ايميل بكل شي
نوف:سلم الشغل أي واحد من الشباب
طلال:ماقدر انا الي لازم اسويه
نوف:طيب باي
ـــــــــــــــــــــــــــــــــ
|