للوطن حق
ولولي الامر بيعه تتجدد مع كل عام
ومع عامنا السابع نجدد البيعه لولي الامر وولي عهده الامين
*
*
*
ياقايد الشعب جينا نعلن البيعه
ونبايعك بالولا والسمع والطاعه
جينا ركايب ورجليه مجاميعه
من كل وجهه لفينا في تجماعه
جينا ومنهو حكم للشعب ابنطيعه
دامه على سنة المختار واتباعه
جينا وحنا الولاء نجدد مرابيعه
مع قادة الشعب في صيفه ومرباعه
جينا لابو متعب اليومه وابنذيعه
انا مع القاده حماةٍ ومنّاعه
نلطم لمن عال ونرده على الضيعه
ودون الوطن نفتدي بالنفس من راعه
ومن هو تسول له النفس بمصانيعه
نرد كيده بصدره ونلوي اذراعه
امن وطنا امانه مع منافيعه
وحنا لوطنا ذرى وسياج نفاعه
في كل موقف معه ونجدد البيعه
عبدالله ونايف قادتنا على الطاعه
واليوم جينا ونعلنها وابنذيعه
انا لوطنا فدا جندي ودراعه