مسـاء الشعور اللي ضوى و اعتراني
 

مساء/صباح
الخير والاحساس والطيبه


مسـاء الشعور اللي ضوى و اعتراني
واللا الغيـــاب و لهفتي لا وصلتك

واللا الوله .. و اللا الشعر .. و الأغاني
واللا الحنين .. وضيقتي .. لا ذكـرتك

في مسـرح .. عيونك تضّج الأمـاني
تعبت أنادي و يصفع الصـوت صمتك

أّفز و ارجــع .. و أتحّسسّ مكـاني
و ألقــاك حلم .. في عيوني رسمتك

جيتك سحــابة شعر تلـهم بنــاني
جيت و على خد الصحــايف مطرتك

أزرع حــروفي في ريـاضك معاني
بيني .. و بينك .. تنتشـي لا عـرفتك

جيتـك و هذا الشـوق .. راسم حناني
لوحة مشـاعر.. في ضـلوعي نقشتك

تعــــال و اسمع وش تقول الثواني
يا مـا انتظرتك .. و انتظرتك وشفتك

واقف و أنا اسـأل حّظي اللي عصاني
وشـلون تضوي دنيتي لا فقـدتك ؟ ؟

إرجـع و رجّّع فـرحي اللي نسـاني
شف كمّ يـا ليـت ..بمفـرداتي كتبتك

سؤال ثــاير .. تحت صمت المحاني
بالله .. قل لـي حبيـبي .. ما وحشتك ؟؟

تضيـق بغيـابك .. صدور المـواني
يا مـا على مرسى الليـالي .. سهرتك

جيتك .. و بأيـدي ورد يـاما بكـاني
و دايم يـواسي .. دمعـتي لا ذكـرتك

بحـر الرجـاوي فـوق شطّك.. رمـاني
مـدّ الكـفوف ..وصـب فيني تراني عشقتك

خـذني حنين و لـهفة إنسـان عـاني
خـذني زمن يرقـد على حجـر وقتك

خذنـي ترى ياللي غرامـك خـذاني
و يامـا على جذع انتظـاري حفرتك

جيتك و مـا ادري كنّي إنسـان ثـاني
طـال الفـراق و كـن تـوّي عرفتك

جيتك و أنـا ما جيت .. واقفه مكـاني
طيـفك حضنّي و احسـب أني ...وصلتك

رد: مسـاء الشعور اللي ضوى و اعتراني
 

مساء النور يالغالي

قصيده رئعه اخوي عبادي صح لسانك يالغالي

ولاهنت يالغالي

رد: مسـاء الشعور اللي ضوى و اعتراني
 

رد: مسـاء الشعور اللي ضوى و اعتراني
 

شكرا لمروركم الكريم وكلامكم العطر وماننحرو منه

رد: مسـاء الشعور اللي ضوى و اعتراني
 

صح لسانك واعتلا شانك يالغلا

وبيض الله وجهك على القصيده الرائعه

وفالك التوفيق

ولاعدمناك

رد: مسـاء الشعور اللي ضوى و اعتراني
 

هلاوغلا بغالينا جريح المها مرورك ذاد للكلمات اشراقا
تقبل شكري وجل تقديري لك
عبدالله