|
قصيدة تعور القلب ... ياني اكتئاب يوم قريتها .
بنات قريت هالقصيدة في منتدى ثاني و حبيت تقرونها و تكتئبون مثلي ... جيته وانا كل الفرح يحتويني***وقصدي احقق عهد كنا قطعناه جيته من اسفاري وكلي حنيني***والشوق واقف عند حزة ملاقاه وقربت من بيته وانا اطوي السنيني*** ولاحضت ان بيته به حشود تملاه والباب مفتوح شمال ويميني** وكل من يجي يدعي ويترحم الله ولقيت جنب الباب طفل حزيني***وسألت وش اللي صار؟؟وش ذا المعاناه؟؟ وقال الخبر اللي صعق لي كنيني*** وخلاني اصرخ صرخه كلها آآآآآآآه خبر وفاة اللي ابيه ويبيني***واليوم هذا ثاني يوم من عزاه ثم طحت من طولي ودمعي في عيني***ثم بعدها صمتي تعانق مع اغماه وتجمعوا حولي الخلايق تعيني**والكل يسأل هذا وش فيه وش جاه؟؟ ولا قويت امشي واحرك يديني**حتى الحكي ياناس ماعدت انا اقواه جاني تبلد وابغى موتي يجيني**ثم انقبر جنبه وكودي انا اسلاه ويوم اني صحيت واشتد ليني**والناس من حولي وانا الضيق لاقصاه سألتهم؟قبره انا ابغاه ويني؟؟**تكفون ياهل الخير دلوني ارجاه ثم رحت يم قبره اجر الونيني**وعليه انا صليت وكلي مناجاه وارجي الهي فالسعد يستكيني***ويكون قبره اول ايام مرضاه وجلست بي يم القبراعتزيني**وفكري سرح بي داخل اطلال ذكراه وصرت اتذكر عشق بينه وبيني**عشق بداه صغار يالله ماحلاه يومه من الاطفال هو يحتميني** ويقول عقل ذا وشف ذا وش اسواه وان غبت مايلعب مع اللاعبيني**ويقول مع غيرك انا اللعب ما اهواه وايام نهوى الفل والياسميني**ويوم انا اقطف الورد واعطيه اياه وصرت اتذكر شوق فينا مبيني**وقمت اتذكر حالتي لحضة ابكاه وضميت قبره ضمه تهتويني**ونفسي تجر الآآآآه ويلاه ويلاه وسمعت صوته يابشر يحتويني** سمعت صوت كان كله مواساه وده يباريني ويمسح جبيني** ويطفي نار في قلبي واحشاااااااااااه حتى وهو ميت هو حس فيني**وحاول يخفف عني معاناة فرقاه ويقول لي ارجوك خلك فطيني**والموت كل الناس بتشوف مبداه ثم قلت له ببقى لحبك مديني**والعمر من بعدك انا اليوم ماابغاه وبعيش لين الموت وقته يحيني** وحبك انا والله ما انساه واسلاه ومشيت من قبره وقلبي طعيني**والكون به عتمه ونوره تجافاه خلاص فكوا الحال يا الللايميني** اللي سطا بي صعب بالحيل ما اسطاه باقضي حياتي في خفايا ضنيني** وادعي الهي برحمته يكساااه ويبعثه ربي في زمرة المكرميني**وفي جنة الفردوس باعلاه القاه جيته وانا كل الفرح يحتويني**ورجعت منه واعلن الضيق مغزاه |
رد: قصيدة تعور القلب ... ياني اكتئاب يوم قريتها .
اقتباس:
رائع مانقلته لنا اناملكـ الذهبــبيه كلمات فائقه في معانيها كل الشكر والتقدير مني لك على رقه اختياركـ ننتظر بوح قلمكـ |
رد: قصيدة تعور القلب ... ياني اكتئاب يوم قريتها .
يسلموو كرز عالنقله المميزه سلمت يدك وصح لسان الشاعر |
رد: قصيدة تعور القلب ... ياني اكتئاب يوم قريتها .
يعطيك العافيه على النقل الرائع وصح لسان قايلها تقبلي مروري ودمتي بحفظ الرحمن |
رد: قصيدة تعور القلب ... ياني اكتئاب يوم قريتها .
حلووه بنات بس البنات يعني خخخخخخخخخخخخخخخخخخخخخ ومشيت من قبره وقلبي طعيني**والكون به عتمه ونوره تجافاه خلاص فكوا الحال يا الللايميني** اللي سطا بي صعب بالحيل ما اسطاه باقضي حياتي في خفايا ضنيني** وادعي الهي برحمته يكساااه ويبعثه ربي في زمرة المكرميني**وفي جنة الفردوس باعلاه القاه جيته وانا كل الفرح يحتويني**ورجعت منه واعلن الضيق مغزاه كرزيه احسنتي النقل وختيارك موفق الله يعطيك الف عاافيه لاهنتي يالغلا |
رد: قصيدة تعور القلب ... ياني اكتئاب يوم قريتها .
وده يباريني ويمسح جبيني** ويطفي نار في قلبي واحشاااااااااااه حتى وهو ميت هو حس فيني**وحاول يخفف عني معاناة فرقاه كلمات في قمة الروعة يسلموا اختي حبة كرز على هذة النقلة الرااااااائعة |
| الساعة الآن 10:09 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010
استضافه ودعم وتطوير وحمايه من استضافة تعاون